ເພື່ອຈັດຕັ້ງປະຕິບັດແຜນແບ່ງປັນສັບຊ້ອນນັກຮຽນ- ພະນັກງານເຂົ້າຮຽນຕໍ່ ແລະ ປະຕິບັດຜົນການສອບເສັງເອົານັກສຶກສາເຂົ້າສຶກສາຕໍ່ທີ່ ມະຫາວິທະຍາໄລແຫ່ງຊາດ ລະບົບບໍ່ໄດ້ຈ່າຍຄ່າຮຽນ (ໄດ້ຮັບທຶນແບ່ງປັນ) ແລະ ລະບົບຈ່າຍຄ່າຮຽນ ເປັນໄປຕາມທີ່ກະຊວງສຶກສາທິການ ແລະ ກິລາ ກຳນົດໃຫ້.

ອະທິການບໍດີ ມະຫາວິທະຍາໄລແຫ່ງຊາດ ຂໍຖືເປັນກຽດຢ່າງສູງ ແຈ້ງມາຍັງບັນດາທ່ານ ຜູ້ປົກຄອງ ແລະ ນັກຮຽນ ທີ່ຜ່ານການສອບໄດ້ເຂົ້າຮຽນ ມຊ ຊາບວ່າ: ການລົງທະບຽນຮັບນັກ ສຶກສາໃໝ່ ເຂົ້າຮຽນມະຫາວິທະຍາໄລແຫ່ງຊາດ ໃນສົກສຶກສາ 2024-2025 ສຳລັບນັກນັກສຶກສາທີ່ສອບເສັງໄດ້ ລະບົບຈ່າຍຄ່າຮຽນ ແລະ ໄດ້ຮັບທຶນແບ່ງປັນ ເພື່ອເຂົ້າຮຽນທີ່ມະຫາວິທະຍາໄລແຫ່ງຊາດ ທີ່ມີລາຍຊື່ໃນຂໍ້ຕົກລົງ ສະບັບເລກທີ 3474/ມຊ, ລົງວັນທີ ວັນທີ 12 ກັນຍາ 2024 ສາມາດສືບຕໍ່ເວລາໃນການລົງທະບຽນຈົນເຖິງວັນທີ 04 ຕຸລາ 2024 ທີ່ສະໂມສອນມະຫາວິທະຍາໄລແຫ່ງຊາດ (ວິທະຍາເຂດດົງໂດກ) ຖ້າກາຍກຳນົດຖືວ່າສະຫຼະສິດ.