spot_img
Homeຂ່າວພາຍ​ໃນເສັ້ນທາງຫຼວງຢູ່ແຂວງອຸດົມໄຊ ເສຍຫາຍຈາກນໍ້າຖ້ວມ 89,46 ຕື້ກວ່າກີບ

ເສັ້ນທາງຫຼວງຢູ່ແຂວງອຸດົມໄຊ ເສຍຫາຍຈາກນໍ້າຖ້ວມ 89,46 ຕື້ກວ່າກີບ

Published on

ເມື່ອບໍ່ດົນມານີ້, ພະແນກໂຍທາທິການ ແລະ ຂົນສົ່ງ ແຂວງອຸດົມໄຊ ໄດ້ລາຍງານໃຫ້ຮູ້ວ່າ: ໃນລະຫວ່າງວັນທີ 10-13 ກັນຍາ 2024 ຜ່ານມາ, ແຂວງອຸດົມໄຊ ໄດ້ຮັບຜົນກະທົບຈາກພະຍຸໄຕ້ຝຸ່ນຢາກິ (YAGI) ສ້າງຜົນເສຍຫາຍຕໍ່ ເສັ້ນທາງຄົມມະນາຄົມ ຕາມເສັ້ນທາງຫລວງແຫ່ງຊາດ ແລະ ທາງຫລວງທ້ອງຖິ່ນ ທົ່ວແຂວງອຸດົມໄຊ ໄດ້ຮັບຜົນເສຍຫາຍ, ເປ່ເພ, ນໍ້າຖ້ວມຊຸ, ດິນເຈື່ອນ, ຫີນເຈື່ອນ, ທໍ່ລອດທາງຫັກ, ທໍ່ລອດທາງອຸດຕັນ, ບ່າທາງຫຍຸບ, ທາງຂາດ, ຕົ້ນໄມ້ລົ້ມທັບໜ້າທາງ ລວມມູນຄ່າຜົນເສຍຫາຍທັງໝົດ 89,46 ຕື້ກວ່າກີບ.

No photo description available.

ສຳລັບທາງຫລວງແຫ່ງຊາດ ເສຍຫາຍໃນມູນຄ່າ 6,47 ຕື້ກີບ. ໃນນີ້, ທາງເລກທີ 13N ເສຍຫາຍ 1,33 ຕື້ກີບ, ທາງເລກທີ 2W ເສຍຫາຍ 4,09 ຕື້ກີບ, ທາງເລກທີ 2E ເສຍຫາຍ 1,03 ຕື້ກີບ. ສ່ວນທາງຫລວງທ້ອງຖິ່ນ ເສຍຫາຍທັງໝົດ 84 ເສັ້ນ, ມູນຄ່າ 82,99 ຕື້ກີບ. ໃນນີ້, ເຂດເມືອງໄຊ ເສຍຫາຍ 22 ເສັ້ນ ມູນຄ່າ 20,38 ຕື້ກີບ, ເມືອງຫລາ ເສຍຫາຍ 10 ເສັ້ນ ມູນຄ່າ 5 ຕື້ກີບ, ເມືອງນາໝໍ້ ເສຍຫາຍ 14 ເສັ້ນ ມູນຄ່າ 13,2 ຕື້ກີບ, ເມືອງງາ ເສຍຫາຍ 9 ເສັ້ນ ມູນຄ່າ 21,62 ຕື້ກີບ, ເມືອງແບງ 9 ເສັ້ນ ມູນຄ່າ 9,2 ຕື້ກີບ, ເມືອງຮຸນ 12 ເສັ້ນ ມູນຄ່າ 8,86 ຕື້ ກີບ ແລະ ເມືອງປາກແບງ ເສຍຫາຍ 8 ເສັ້ນ ມູນຄ່າ 4,75 ຕື້ກີບ.

No photo description available.

ພະແນກໂຍທາທິການ ແລະ ຂົນສົ່ງ ແຂວງອຸດົມໄຊ ໄດ້ສຸມໃສແກ້ໄຂປະຕິບັດ 2 ໄລຍະຄື: ໄລຍະເລັ່ງດ່ວນ ພາຍຫລັງທີ່ລະດັບນໍ້າຫລຸດລົງ ພະແນກ ຍທຂ, ຂະແໜງ ຂົວທາງ ໄດ້ປຶກສາຫາລື ແລະ ນໍາພາບໍລິສັດຮັບເໝົາລົງແກ້ໄຂແບບສຸກເສີນ ໂດຍເລັ່ງດ່ວນຕາມທາງຫລວງທ້ອງຖິ່ນ ເພື່ອແກ້ໄຂ ໃຫ້ສາມາດສັນຈອນໄປມາໄດ້ປົກກະຕິ ແລະ ໄລຍະແກ້ໄຂແບບສຸກເສີນ ແລະ ຟື້ນຟູ (ທາງຫລວງທ້ອງຖິ່ນ). ພ້ອມນີ້, ພະແນກ ຍທຂ ຍັງໄດ້ອອກແຈ້ງການໃຫ້ຫ້ອງການໂຍທາທິການ ແລະ ຂົນສົ່ງ 7 ເມືອງ ລົງເກັບກຳຂໍ້ມູນລະອຽດ ເພື່ອປະເມີນຄວາມເສຍຫາຍ ສະເໜີຕໍ່ຂັ້ນເທິງຂໍແກ້ໄຂສ້ອມແປງແບບສຸກເສີນ ແລະ ຟື້ນຟູ ໃຫ້ເຂົ້າສູ່ສະພາບປົກກະຕິ.

ຂ່າວ: ປະເທດລາວ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...