ສຳນັກຂ່າວຕ່າງປະເທດລາຍງານໃນວັນທີ 23 ກັນຍາ 2024 ນີ້ວ່າ: ໂດນັລ ທຣັມ ຜູ້ສະໝັກຊິງຕຳແໜ່ງປະທານາທິບໍດີສະຫະລັດ ເປີດເຜີຍວ່າ: ຈະບໍ່ລົງສະມັກຊິງຕຳແໜ່ງປະທານາທິບໍດີສະຫະລັດເປັນຄັ້ງທີ 4 ອີກຖ້າຫາກແພ້ການເລືອກຕັ້ງໃນວັນທີ 5 ພະຈິກ 2024 ນີ້.
ທຣັມໄດ້ໃຫ້ສຳພາດໃນລາຍການ Full Measure ວ່າ: ຫາກຕົນບໍ່ປະສົບຄວາມສຳເລັດໃນການຊິງຕຳແໜ່ງປະທານາທິບໍດີສະຫະລັດ ໃນຄັ້ງທີ 3 ນີ້ອາດຈະເປັນຄັ້ງສຸດທ້າຍ ໂດຍບໍ່ຄິດວ່າຈະເກີດຂຶ້ນອີກ ແລະ ຫວັງຢ່າງຍິ່ງວ່າຈະປະສົບຜົນສຳເລັດ.
ໂດນັລ ທຣັມ ຕ້ອງປະເຊີນການແຂ່ງຂັນກັບ ນາງ ຄາມາລາ ແຣຣິສ ຮອງປະທານາທິບໍດີສະຫະລັດຈາກພັກເດໂມແຄຣຕ ໂດຍຜົນສຳລວດສະແດງໃຫ້ເຫັນວ່າ: ທັງ 2 ມີຄະແນນນິຍົມທີ່ສູສີໃນລັດທີ່ເປັນສ່ວນສຳຄັນ ທີ່ມີແນວໂນ້ມທີ່ຈະສາມາດຊີ້ຂາດວ່າໃຜເປັນຜູ້ຊະນະໄດ້ ເຊິ່ງໃນຕອນນີ້ແຣຣີສເລີ່ມມີຄະແນນນຳໃນຜົນສຳຫຼວດທົ່ວໄປຂອງປະເທດແລ້ວກໍຕາມ.
ທັງນີ້ ທຣັມ ເປີດຕົວການລົງສະມັກຊິງຕຳແໜ່ງໃນການເລືອກຕັ້ງປີ 2020 ເຊິ່ງເປັນມື້ດຽວກັນກັບທີ່ເຂົາເຂົ້າຮັບຕຳແໜ່ງໃນປີ 2017 ແລະ ປະກາດການລົງສະໝັກຊິງຕຳແນ່ງປະທານາທິບໍດີຄັ້ງຫຼ້າສຸດເມື່ອ 2 ປີກ່ອນໃນເດືອນພະຈິກ ປີ 2022.
ແຫຼ່ງຂ່າວ: ໄທລັດ