ຂ່າວ ປກສ ແຂວງຄຳມ່ວນ ລາຍງານວ່າ: ໃນວັນທີ 19 ກັນຍາ 2024 ຜ່ານມາ, ເຈົ້າໜ້າທີ່ພະແນກຕຳຫລວດສິ່ງແວດລ້ອມ ປກສ ແຂວງຄຳມ່ວນ ໄດ້ມອບຜູ້ຖຶກຫາຈຳນວນ 02 ຄົນ ຊື່ ທ້າວ ເຈັກ ສຸລິມົນ ອາຍຸ 27 ປີ,ທ້າວ ບຸນໄມ ອາຍຸ 24 ປີ ທັງສອງ ຄົນແມ່ນເປັນປະຊາຊົນຢູ່ບ້ານ ດຸ ເມືອງບົວລະພາ ແຂວງຄຳມ່ວນ ແລະ ຂອງກາງສັດປ່າຫວງຫ້າມ ລີ່ນຈຳນວນ 02 ໂຕ,ນ້ຳໜັກ 4,9 ກິໂລກຼາມ,ລູກໂຕຄ່າງແດງ ຈຳນວນ 01 ຕົວ,ນ້ຳໜັກ 01 ກິໂລກຼາມ,ພ້ອມດ້ວຍລົດຈັກຈຳນວນ 01 ຄັນ,ໂທລະສັບຈຳນວນ 02 ໜ່ວຍ.
ທັ້ງສອງແມ່ນຖືກຂໍ້ກ່າວຫາ ການຄ້າຂາຍ ຫຼື ມີໄວ້ໃນຄອບຄອງສັດນ້ຳ ຫຼື ສັດປ່າທີ່ຫວງຫ້າມ ຕາມມາດຕາ 334 ດັ່ງນັ້ນຈຶ່ງໄດ້ມອບໃຫ້ກອງກວດກາປ້າໄມ້ແຂວງ ຄຳມ່ວນ ເພື່ອໄປດຳເນີນການສືບສວນ – ສອບສວນ ແລະ ດຳເນີນຄະດີຕາມຂັ້ນຕອນຂອງກົດໝາຍ.