ໃນວັນທີ 22 ກັນຍາ 2024 ທີ່ນະຄອນຫຼວງວຽງຈັນ, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າ ສປປ ລາວ ພົບປະສອງຝ່າຍກັບທ່ານ ຫຼີ ເຟີຍ ຮອງລັດຖະມົນຕີກະຊວງການຄ້າ (ປະທານຄະນະກໍາມະທິການຮ່ວມມືຈີນ-ລາວ).
ການພົບປະຄັ້ງນີ້, ສອງຝ່າຍໄດ້ຍົກບັນຫາການເສີມຂະຫຍາຍ ແລະ ຮ່ວມມືດ້ານເສດຖະກິດ, ອຸດສາຫະກໍາ ແລະ ການຄ້າລາວ-ຈີນ, ການສ້າງບົດບັນທຶກຄວາມເຂົ້າໃຈ (MOU), ວ່າດ້ວຍການເພີ່ມທະວີການຮ່ວມມືດ້ານການຄ້າ ແລະ ການລົງທຶນສິນຄ້າກະສິກໍາລາວ ລະຫວ່າງ ກະຊວງອຸດສາຫະກໍາ ແລະ ການຄ້າ ສປປ ລາວ ແລະ ກະຊວງການຄ້າ ສປ ຈີນ.
ທ່ານ ລັດຖະມົນຕີກະຊວງອຸດຫາຫະກໍາ ແລະ ການຄ້າລາວ ໄດ້ແລກປ່ຽນກັບຝ່າຍຈີນກ່ຽວກັບ ໂດຍໄດ້ສະເໜີວ່າ: ການປັບປຸງສັນຍາການຄ້າຊາຍແດນ ປີ 2016 ແລະ ສັນຍາການຄ້າ ການຄ້າສອງຝ່າຍປີ 1997, ການສ້າງສັນຍາສິນຄ້າຜ່ານແດນ Goods in Transit (ສະເໜີສ້າງໃໝ່) ເຊິ່ງປັດຈຸບັນສອງຝ່າຍແມ່ນໃຊ້ກົນໄກ Freedom of goods under the WTO commitment For Land Locke countires ແລະ ການຍົກລະດັບວິຊາການໃຫ້ແກ່ພະນັກງານໃນຫົວຂໍ້ ການ ຄຸ້ມຄອງສິນຄ້າ, ການບໍລິຫານຈັດການດ້ານໂລຈິດສຕິກ, ການ ຄຸ້ມຄອງການຄ້າຂາຍຊາຍແດນ, ການຄຸ້ມຄອງການຄ້າທາງເອເລັກໂຕຣນິກ ແລະ ການປຸງແຕ່ງສິນຄ່າກະສິກໍາສົ່ງອອກ.
ຂ່າວ: ວສລ