ບໍລິສັດ ສະໜາມບິນສາກົນ ບໍ່ແກ້ວ ຂໍເປັນສ່ວນໜຶ່ງໃນການແບ່ງເບົາທຸກໃຫ້ແກ່ພໍ່ແມ່ປະຊາຊົນ ເພື່ອອຳນວຍຄວາມສະດວກ ແລະ ລໍາລຽງການຊ່ວຍເຫຼືອ ໃຫ້ກັບຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມໄປຍັງ ແຂວງຫຼວງນໍ້າທາ ໃນຄັ້ງນີ້ ໂດຍອະນຸຍາດໃຫ້ບັນດາສາຍການບິນທີ່ບໍ່ສາມາດປະຕິບັດຖ້ຽວບິນ ໄປຍັງແຂວງຫຼວງນໍ້າທາໄດ້, ໃຫ້ມານໍາໃຊ້ສະໜາມບິນສາກົນບໍ່ແກ້ວແທນ.
ສະໜາມບິນສາກົນບໍ່ແກ້ວ ມີຄວາມຍິນດີຍົກເວັ້ນ ຄ່າບໍລິການລົງຈອດ ແລະ ຄ່າບໍລິການພາກພື້ນດິນ ໃຫ້ກັບບັນດາສາຍການບິນຈົນກວ່າສະໜາມບິນຫຼວງນໍ້າທາ ຈະກັບມາໃຊ້ການໄດ້ປົກກະຕິ.
ໃນນາມ ບໍລິສັດ ສະຫນາມບິນສາກົນບໍ່ແກ້ວ ພວກເຮົາຂໍເປັນກຳລັງໃຈໃຫ້ກັບປະຊາຊົນທີ່ປະສົບໄພ ຂໍໃຫ້ທຸກຄົນປອດໄພ ແລະ ຜ່ານພົ້ນເຫດການຄັ້ງນີ້ໄປໄດ້ດ້ວຍດີ.