ອີງຕາມການລາຍງານຂ່າວຈາກລາຍການວິທະຍຸຂັບຂີ່ປອດໄພ ທາງສະຖານີວິທະຍຸະຈາຍສຽງແຫ່ງຊາດລາວ(9/9/24)ໃຫ້ຮູ້ວ່າ: ກົມຕຳຫຼວດຈະລາຈອນໄດ້ສະຫຼຸບອຸບັດຕິເຫດປະຈຳເດືອນສິງຫາ 2024 ມີອຸບັດຕິເຫດເກີດຂຶ້ນທັງໝົດ 457 ຄັ້ງ, ພາຫະນະເປ່ເພ 33 ຄັນ, ບາດເຈັບ 674 ຄົນ, ເສຍຊີວິດ 51 ຄົນ.
ສາເຫດຂອງການເກີດອຸບັດຕິເຫດຫຼັກໆມີຄື: ການໃຊ້ຄວາມໄວເກີນກຳນົດ 99 ຄັ້ງ, ດື່ມສິ່ງມຶນເມົາແລ້ວຂັບຂີ່ 95 ຄັ້ງ, ປ່ຽນທິດທາງເດີນ 87 ຄັ້ງ, ລ່ວງປ້າຍຫ້າມຕ່າງໆ 38 ຄັ້ງ, ບໍ່ປ່ອຍສິດ ແລະ ເຕັກນິກບໍ່ຮັບປະກັນ. ເວລາເກີດອຸບັດຕິເຫດ 1ໂມງເຊົ້າ-7ໂມງເຊົ້າ ແມ່ນ 20 ຄັ້ງ, 8ໂມງເຊົ້າ-16ໂມງແລງ 122 ຄັ້ງ, 17ໂມງແລງ-24ໂມງກາງຄືນ 215 ຄັ້ງ. ເກນອາຍຸເກີດອຸບັດຕິເຫດ ຕໍ່າກວ່າ 15 ປີ ມີ 55 ຄົນ, 16-30 ປີ ມີ 760 ຄົນ, 31-50 ປີ ມີ 249 ຄົນ, 51-60 ປີ 20 ຄົນ, 61 ປີ ມີ 4 ຄົນ.
ຂ່າວ: ວສລ