ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4 ກັນຍາ 2024 ຜ່ານມາ, ຈົນເຮັດໃຫ້ມີຜູ້ເສຍຊີວິດ 4 ຄົນ ແລະ ບາດເຈັບອີກ 9 ຄົນ.
ຕາມການລາຍງານຂອງໝູ່ຮຽນຮ່ວມຫ້ອງກັບເດັກຊາຍຄົນດັ່ງກ່າວໄດ້ລະບຸວ່າ: ຜູ້ກໍ່ເຫດຊື່ວ່າ ໂຄລ ເກຣ ໄດ້ອອກຈາກຫ້ອງຮຽນໃນເວລາ 9:45 ໂມງກ່ອນທີ່ຈະກັບມາອີກຄັ້ງຕອນໃກ້ຈະໝົດຄາບຮຽນ ແລະ ໄດ້ເຄາະປະຕູເພື່ອເຂົ້າໄປດ້ານໃນຫ້ອງ ເຊິ່ງນັກຮຽນຄົນໜຶ່ງກຳລັງຈະໄປເປີດປະຕູໃຫ້ກໍສັງເກດເຫັນປືນຢູ່ມື ກ່ອນທີ່ຈະປະຕິເສດໃຫ້ຜູ້ກໍ່ເຫດເຂົ້າມາກ່ອນທີ່ການຕັດສິນໃຈດັ່ງກ່າວຈະຊ່ວຍຊີວິດຕົນເອງໄວ້ໄດ້.
ຈາກນັ້ນເດັກຊາຍທີ່ມີອາວຸດປືນໄດ້ຢ່າງໄປຫ້ອງທາງຂ້າງ ແລະ ໄດ້ເປີດສາກຍິງ 10-15 ນັດ, ຈົນເຈົ້າໜ້າທີ່ໄດ້ຮັບແຈ້ງເຫດ ແລະ ເຈົ້າໜ້າທີ່ຮັກສາຄວາມປອດໄພເລັ່ງໄປຍັງຈຸດເກີດເຫດ ຈົນສຸດທ້າຍມືປືນຍອມຈຳນົນ ແລະ ຖືກຕຳຫຼວດຄວບຄຸມຕົວໃນທີ່ສຸດ.
ທັງນີ້ ສຳນັກງານສືບສວນໃນລັດຈໍເຈຍ (GBI) ລະບຸວ່າ: ຜູ້ກໍ່ເຫດຍັງເປັນເຍົາວະຊົນ ແຕ່ຜູ້ກໍ່ເຫດຈະຖືກຕັ້ງຂໍ້ກ່າວຫາແບບດຽວກັບຜູ້ໃຫຍ່ກໍຄືຂໍ້ຫາຄາຕະກຳ 4 ຂໍ້ຫາ.
ແຫຼ່ງຂ່າວ: CNN