ສຳນັກຂ່າວຕ່າງປະເທດລາຍງານວ່າ: ເມື່ອເວລາປະມານ 7 ໂມງເຊົ້າຂອງວັນທີ 3 ກັນຍາ 2024 ເກີດເຫດລົດເມຮັບ-ສົ່ງນັກຮຽນ ເສຍຫຼັກຕຳຄົນແຄມທາງ ເສຍຊີວິດ ແລະ ບາດເຈັບຫຼາຍຄົນ ໃນມົນທົນຊານຕົງ, ທາງຕາເວັນອອກຂອງປະເທດຈີນ.
ຜູ້ເຫັນເຫດການໄດ້ເລົ່າວ່າ: ລົດຄັນດັ່ງກ່າວໄດ້ຂັບມາຮອດບໍລິເວນສາມແຍກໃກ້ກັບໂຮງຮຽນ, ແຕ່ເກີດເສຍຫຼັກກະທັນຫັນ ແລະ ພຸ່ງຕຳຄົນຍ່າງແຄມທາງ ເຮັດໃຫ້ມີຜູ້ເສຍຊີວິດ 11 ຄົນ ແລະ ບາດເຈັບ 13 ຄົນ.
ເມື່ອເກີດເຫດການດັ່ງກ່າວຂຶ້ນ, ເຈົ້າໜ້າທີ່ໄດ້ເລັ່ງນໍາຕົວສົ່ງຜູ້ໄດ້ຮັບບາດເຈັບໄປຮັກສາຕົວຢູ່ໂຮງໝໍໂດຍໄວ, ສ່ວນຄົນຂັບລົດຄັນດັ່ງກ່າວແມ່ນຖືກເຈົ້າໜ້າທີ່ຄຸມຕົວໄວ້ ແລະ ສາເຫດຂອງອຸບັດຕິເຫດດັ່ງກ່າວ ເຈົ້າໜ້າທີ່ກຳລັງທຳການສືບສວນເພິ່ມເຕີມ.
ຂ່າວ: bbc