ໃນວັນທີ 27-28 ສິງຫາ 2024 ຫ້ອງການໄຟຟ້າເມືອງຫາດຊາຍຟອງ, ເມືອງປາກງື່ມ ແລະ ເມືອງສັງທອງ ນະຄອນຫຼວງວຽງຈັນ ໄດ້ລະດົມອ້າຍນ້ອງຍົກສູງໝໍ້ນັບໄຟ ທີ່ມີຈຸດສ່ຽງເກີດນ້ຳຖ້ວມ, ເຂດບໍລິເວນພື້ນທີ່ຕໍ່າ ແລະ ເຂດບໍລິເວນໃກ້ແຄມນໍ້າຂອງ ລວມໝໍ້ນັບໄຟທີ່ຍົກຂື້ນສູງປະມານ 50 ໜ່ວຍໃນ 3 ເມືອງຄື:
1. ເມືອງຫາດຊາຍຟອງ ມີ ບ້ານ ດອນ ແລະ ບ້ານ ໜອງແຫ້ວ.
2. ເມືອງປາກງື່ມ ມີ ບ້ານເວີນກະເບົາ, ບ້ານດົງຄວາຍ, ບ້ານສ້າງຫົວບໍ, ບ້ານບໍ່ເຫຼັກ.
3. ເມືອງສັງທອງ ມີ ບ້ານຫີນລັບ, ບ້ານສະໄກ, ບ້ານປາກຕອນ, ບ້ານສຳພັນນາ, ບ້ານແກ້ງໝໍ້. ພ້ອມນັ້ນ, ຍັງກວດເຊັກລະບົບໄຟຟ້າບໍ່ໃຫ້ເກີດໄຟຮົ່ວ, ເພື່ອໃຫ້ປະຊາຊົນສາມາດຊົມໃຊ້ໄຟຟ້າໄດ້ປົກກະຕິ ແລະ ປອດໄພ.
ເພື່ອເປັນການຮັກສາຊັບສິນສ່ວນລວມ ແລະ ຄວາມປອດໄພຂອງປະຊາຊົນ ພື້ນທີ່ໄດ້ຮັບຜົນກະທົບຈາກຝົນຕົກໜັກຕິດຕໍ່ກັນຫຼາຍມື້ ເຮັດໃຫ້ບາງພື້ນທີ່ເກີດລະດັບນ້ຳຂື້ນສູງ ນ້ຳຖ້ວມຂັງ ໂດຍສະເພາະ ໃນ 3 ເມືອງ ໃນນະຄອນຫຼວງວຽງຈັນ ທີ່ຂື້ນກັບສາຂານະຄອນຫຼວງ2.