ອີງຕາມສຳນັກຂ່າວຕ່າງປະເທດລາຍງານໃນເວລາ 17:00 ໂມງຂອງວັນທີ 24 ສິງຫາ 2024 ຜ່ານມາກ່ຽວກັບເຫດການສະເທືອນຂວັນ ເມື່ອນັກຮຽນມັດທະຍົມຕົ້ນ 4 ຄົນທີ່ອາໃສຢູ່ໃນເຂດ Thach That ນະຄອນຫຼວງຮາໂນ່ຍ ໄດ້ນັດກັນອອກໄປເຕະບານຫຼິ້ນ ທັງທີມີຝົນຕົກໜັກ.
ຕາມການລາຍງານເດັກນ້ອຍທັງ 4 ຄົນກຳລັງຫຼິ້ນເຕະບານຢູ່ເດີ່ນກາງແຈ້ງຂະນະທີ່ມີຝົນຕົກໜັກ ຈຶ່ງເກີດເຫດການທີ່ບໍ່ຄາດຄິດຂຶ້ນ ທັງກຸ່ມຖືກຟ້າຜ່າໝົດຈົນລົ້ມລົງພຶ້ນເທື່ອລະຄົນ ເຮັດໃຫ້ມີສະພາບອາການໂຄມ່າ ຫຼັງຈາກນັ້ນບໍ່ດົນເດັກນ້ອຍ 3 ຄົນກໍຄ່ອຍໆພາກັນລຸກຂຶ້ນແຕ່ສຸດເສົ້າເມື່ອໝູ່ອີກຄົນໜຶ່ງອາຍຸ 13 ປີໄດ້ເສຍຊີວິດຢູ່ບ່ອນເກີດເຫດ.
ທາງດ້ານໜ່ວຍງານບັນເທົາທຸກເອກະຊົນໄດ້ເດີຍນທາງໄປບ້ານຜູ້ເສຍຊີວິດເພື່ອສະແດງຄວາມເສຍໃຈ ແລະ ໄດ້ມອບເງິນຈຳນວນ 1 ລ້ານດົງ ຫຼື ປະມານ 1 ລ້ານກວ່າກີບໃຫ້ກັບສະມາຊິກຂອງຄອບຄົວ.
ຝາກເປັນອຸທາຫອນໃຫ້ກັບພໍ່ແມ່ທີ່ມີລູກ ບໍ່ໃຫ້ອອກໄປຫຼິ້ນໃນບ່ອນກາງແຈ້ງ ກ້ອງຕົ້ນໄມ້ ຫຼື ໃກ້ເສົາໂທລະສັບ ໃນຂະນະທີ່ຝົນຕົກເພາະອາດຈະເກີດເຫດການໃນລັກສະນະແບບນີ້ຂຶ້ນອີກກໍເປັນໄດ້.