ອີງຕາມສຳນັກຂ່າວເອເອັບພີລາຍງານໃນວັນທີ 23 ສິງຫາ 2024 ບໍລິສັດຂຸດຄົ້ນແຮ່ທາດແຫ່ງໜຶ່ງໄດ້ຂຸດພົບ ເພັດຂະໜາດໃຫຍ່ 2,492 ກະຣັດ ໃນປະເທດບອສສະວານາເຊິງຄາດວ່າໃຫຍ່ເປັນອັນດັບ 2 ຂອງໂລກ ຮອງຈາກເພັດຄໍລິແນນ ທີ່ມີຂະໜາດ 3,106 ກະຣັດ ທີ່ຂຸດພົບໃນອາຟຣິກກາໃຕ້ເມື່ອປີ 2448 ຕໍ່ມາໄດ້ຖືກເຈຍລະໄນເປັນເມັດນ້ອຍໆ ແລະ ບາງສ່ວນຖືກປະດັບເປັນອັນຍະມະນີປະຈຳຣາຊະວົງອັງກິດ.
ຕາມການລາຍງານວ່າ: ບໍລິສັດຂຸດຄົ້ນເພັດ Lucara Diamond Corp ຂອງແຄນນາດາໄດ້ອອກມາປະກາດເມື່ອວັນພະຫັດ ທີ 22 ສິງຫາ 2024 ຜ່ານມາ ວ່າໄດ້ຄົ້ນພົບອັນຍະມະນີ ທີ່ພິເສດ ທີ່ຍັງເປັນສະພາບສົມບູນໃນເໝືອງ Karowe ປະເທດບອສສະວານາ ໂດຍບໍລິສັດມີຄວາມເຫຼືອເຊື່ອທີ່ສາມາດຂຸດຄົ້ນໄດ້ ແລະ ໄດ້ຍ້ອງຍໍວ່າເປັນເພັດດິບທີ່ໃຫຍ່ທີ່ສຸດເທົ່າທີ່ເຄີຍຂຸດພົບ.
ຢ່າງໃດກໍຕາມເພັດເມັດດັ່ງກ່າວຈະຖືກນຳໄປມອບໃຫ້ປະທານາທິບໍດີ ບອສສະວານາ ຫຼັງຈາກໄດ້ຮັບການປະເມີນມູນຄ່າ ເຊິ່ງທາງດ້ານບໍລິສັດຍັງບໍ່ສາມາດລະບຸ ຫຼື ໃຫ້ລາຍລະອຽດກ່ຽວກັບຄຸນນະພາບ ຫຼື ມູນຄ່າເພັດເມັດໃຫຍ່ກ້ອນນີ້ໄດ້.