ອີງຕາມສຳນັກຂ່າວໄທລັດລາຍງານ ໃນວັນທີ 21 ສິງຫາ 2024 ນີ້, ອະທິການບໍດີກົມຄວບຄຸມໂຣກ ເຜີຍອາການຫຼ້າສຸດ ຜູ້ປ່ວຍພະຍາດໝາກສຸກລິງ ສາຍພັນໃໝ່ ລາຍທຳອິດໃນໄທ.
ນາຍແພດ ທົງໄຊ ກີຣະຕິຫັດຖະຍາກອນ ອະທິການບໍດີກົມຄວບຄຸມໂຣກແຫ່ງປະເທດໄທເປີດເຜີຍວ່າ: ຜູ້ປ່ວຍພະຍາດໝາກສຸກລິງລາຍນີ້ມີປະວັດການເດີນທາງຈາກປະເທດແຖບອາຟຣິກກາ ເຊິ່ງມີການລະບາດຂອງພະຍາດໝາກສຸກລິງສາຍພັນ Clade 1B ກ່ອນເດີນທາງຕໍດ້ວຍເຮືອບິນທີ່ປະເທດຕາເວັນອອກກາງ ກ່ອນຈະເດີນທາງເຂົ້າສູ່ປະເທດໄທ ໃນເວລາ 18:00 ນາທີ ເມື່ອວັນທີ 14 ສິງຫາ 2024 ຜ່ານມາ.
ຕໍ່ມາໃນວັນທີ 15 ສິງຫາ 2024 ຜູ້ປ່ວຍເລີ່ມມີອາການໄຂ້ ແລະ ມີຕຸ່ມຂຶ້ນພຽງເລັກນ້ອຍ ກ່ອນຈະເດີນທາງໄປໂຮງໝໍ ຈຶ່ງຮູ້ຜົນກວດພົບວ່າເປັນລົບ ແລະ ແພດໄດ້ກວດພະຍາດໝາກສຸກລິງ Clade 1B ປາກົດວ່າຜົນບໍ່ຊັດເຈນ ຫຼັງຈາກນັ້ນທີມແພດຈຶ່ງໄດ້ຢືນຢັນວ່າເປັນພະຍາດໝາກສຸກລິງ ແຕ່ບໍ່ແມ່ນສາຍພັນ Clade 2 ແລະ Clade 1B ແຕ່ຕ້ອງລາຍງານໃຫ້ປະຊາຊົນໄດ້ຮັບຮູ້ວ່າຜູ້ປ່ວຍຕ້ອງສົງໃສທີ່ຂອນຂ້າງເຊື່ອໄດ້ວ່າປ່ວຍຈາກພະຍາດໝາກສຸກລິງ ເຊິ່ງມາຈາກຕ່າງປະເທດ.
ສຳລັບລະບົບໃນການຕິດຕາມຜູ້ສຳຜັດນັ່ງໃກ້ຜູ້ປ່ວຍເທິງເຮືອບິນນັ້ນ ທາງໜ່ວຍງານໄດ້ສືບເພື່ອຄວບຄຸມພະຍາດ ແລະ ຕິດຕາມແລ້ວ ເຊິ່ງຈະເຫັນໄດ້ວ່າຫຼັງຈາກຜູ້ປ່ວຍລາຍນີ້ໄດ້ລົງຈາກເຮືອບິນແລ້ວ ມີເວລາສຳພັດກັບຜູ້ອື່ນນ້ອຍ ເນື່ອງຈາກເດີນທາງມາຮອດປະເທດໄທໃນເວລາ 6 ໂມງ ແລ້ວມື້ອື່ນຕໍມາກໍໄປພົບແພດທັນທີ ແລະ ໄດ້ພັກຮັກສາໂຕຢູ່ໂຮງໝໍເລີຍ.
ສ່ວນອາການຫຼ້າສຸດຂອງຜູ້ປ່ວຍລາຍນີ້ ບໍ່ມີອາການຮຸນແຮງ ຄາດວ່າວັນທີ 23 ສິງຫາ 2024 ທາງໜ່ວຍງານກ່ຍວຂ້ອງຈະກວດສອບແລະ ສາມາກຢືນຢັນໄດ້ 100% ວ່າເປັນສາຍພັນໃດ.
ທີ່ມາ: ໄທລັດ