ອີງຕາມສຳນັກຂ່າວຕ່າງປະເທດລາຍງານໃນວັນທີ 20 ສິງຫາ 2024 ນີ້, ສະໜາມບິນຍີ່ປຸ່ນໄດ້ມີການຍົກເລີກຖ້ຽວບິນກວ່່າ 36 ຖ້ຽວບິນ ແລະ ອີກ 201 ຖ້ຽວບິນລ່າຊ້າ ໃນຊ່ວງອ່ທິດທີ່ຜ່ານມາ ເນື່ອງຈາກມີດຕັດໜຶ່ງອັນໄດ້ຫາຍໄປໃນຮ້ານຄ້າທີ່ຢູ່ໃກ້ກັບບໍລິເວນປະຕູຂຶ້ນເຮືອບິນ.
ການກວດສອບຄວາມປອດໄພທີ່ອາຄານຜູ້ໂດຍສານໃນປະເທດຂອງສະໜາມບິນນິວສິໂຕເສະ ເທິງເກາະຮອກໄກໂດຖືກລະງັບເປັນເວລາ 2 ຊົ່ວໂມງໃນຊ່ວງເຊົ້າວັນເສົາທີ 17 ສິງຫາ 2024 ຜ່ານມາ, ເຮັດໃຫ້ຜູ້ໂດຍສານຫຼາຍຮ້ອຍຄົນຕິດຄ້າງ ແລະ ຄິວຍາວ ເນື່ອງຈາກມີຜູ້ໂດຍສານທີ່ຂຶ້ນເຮືອບິນຕ້ອງໄດ້ລົງກວດສອບຄວາມປອດໄພອີກຄັ້ງ.
ເຈົ້າໜ້າທີ່ສະໜາມບິນໄດ້ເລົ່າວ່າ: ເຖິງແມ່ນວ່າຈະບໍ່ພົບມີດຕັດ ແຕ່ການກວດສອບຄວາມປອດໄພ ແລະ ຖ້ຽວບິນກໍໄດ້ກັບມາດຳເນີນການອີກຄັ້ງໃນວັນດຽວກັນ, ຜູ້ໂດຍສານຈຳນວນຫຼາຍໄດ້ຮັບຜົນກະທົບຈາກການຍົກເລີກຖ້ຽວບິນ ແລະ ຄວາມລ່າຊ້າ ເນື່ອງຈາກຜູ້ໂດຍສານກຳລັງຢູ່ລະຫວ່າງການເດີນທາ່ງກັບບ້ານຫຼັງຈາກມື້ພັກເທດສະການໂອບັງປະຈຳປີຂອງຍີ່ປຸ່ນ.
ທາງດ້ານກະຊວງທີ່ດິນ ຂົນສົ່ງ ແລະ ການທ່ອງທ່ຽວໄດ້ກ່າວວ່າ: ຂໍໃຫ້ສະໜາມບິນຮອກໄກໂເດກວດສອບສາເຫດ ແລະ ປ້ອງກັນເຫດການລັກສະນະນີ້ບໍ່ໃຫ້ເກີດຂຶ້ນອີກ ສ່ວນສະໜາມບິນຮອກໄກໂດກ່າວວ່າ: ເຮົາໄດ້ຮູ້ດີແລ້ວວ່າສິ່ງທີ່ເກີດຂຶ້ນຈາກລະບົບຈັດເກັບ ແລະ ຈັດການທີ່ບໍ່ພຽງພໍ ແລະ ນີ້ອາດຈະເປັນເຫດການທີ່ອາດເຊື່ອມໂຍງກັບການຈີ້ເຮືອບິນ ຫຼື ການກໍ່ການຮ້າຍ ແລະ ເຮົາຈະດຳເນີນອີກຄັ້ງເພື່ອໃຫ້ແນ່ໃຈວ່າມີການຈັດການເລື່ອງນີ້ຢ່າງທົ່ວເຖິງ.
ທີ່ມາ: ໄທລັດ