ໃນລະຫວ່າງວັນທີ 16-18 ສິງຫາ 2024 ທີ່ນະຄອນຫລວງບາງກອກ ປະເທດໄທ, ໂດຍມີນັກກິລາ 1000 ກວ່າຄົນ ຈາກ 14 ປະເທດເຂົ້າຮ່ວມຄື: ສປປ ລາວ, ບຣູໄນ, ກຳປູເຈຍ, ຮົງກົງ (ຈີນ), ອິນເດຍ, ອິນໂດເນເຊຍ, ຄາຊັກສະຖານ, ກີກິສຖານ, ມາເລເຊຍ, ມົງໂກລີ, ມຽນມາ, ຟີລິບປິນ, ຫວຽດນາມ ແລະ ໄທ ເຈົ້າພາບ, ໂດຍທ້າວ ສຸກພະໄຊ ພັນທະຈັກ ຫຼື ວິນເນີ, ນາງ ວິພະດາ ພັນທະຈັກ ຫຼື ວິນນີ, ນາງ Mackenzie Gaolou ແລະ ນາງ Charlie Gaosheng ເປັນຕົວແທນຈາກ ໂຮງຮຽນນາໆຊາດ ຮິດຟິວ (HIS) ນະຄອນຫຼວງວຽງຈັນ.
ສະເພາະ ນາງ ວິພະດາ ພັນທະຈັກ ຫຼື ນ້ອງ ວິນນີ້, ອາຍຸ 8 ປີ ໄດ້ມາທັງໝົດ 9 ຫຼຽນ , 2 ຫຼຽນຄໍາ, 6 ຫຼຽນເງິນ 1 ຫຼຽນທອງແດງ; 2 ຫລຽນຄໍາ ໄດ້ຈາກທ່າຟຮີສະຕາຍ 100 ແມັດ ແລະ ທ່າ ແບັກສະໂຕກ, ຫຼຽນເງິນ ໄດ້ຈາກລອຍທ່າຟຣີສະຕາຍ 25 ແມັດ, ຟຣີສະຕາຍທົ່ວໄປ 50 ແມັດ, ແບັກສະໂຕກ 50 ແມັດ, ແບັກສະໂຕກ 25 ແມັດ, ບັດເຕີຟາຍ 25 ແມັດ, ບັດເຕີຟາຍ 50 ແມັດ, ບັດເຕີຟາຍ 100 ແມັດ ແລະ ຫຼຽນທອງ ຈາກລອຍທ່າລອຍຫງາຍຫຼັງ 100 ແມັດ.
ນີ້ເປັນຄັ້ງທີ່ສອງ ວິນເນີ້ ແລະ ວິນນີ້, ເຄນຊີ້, ຊາລີ້ ໄດ້ເຂົ້າ ຮ່ວມແຂ່ງຂັນລະດັບນາໆຊາດ, ທ່ານນາງ ERI HASEGAWA (ເອລິ) ຄູຝຶກລອຍນໍ້າຂອງໂຮງຮຽນ ນານາຊາດຮິດຟິວ ໃຫ້ຮູ້ວ່າ: ນັກກິລາລອຍນ້ໍາທັງສີ່ຄົນເປັນນັກກິລາທີ່ມີພອນສະຫວັນ ແລະ ພອນສະແຫວງ ເຫັນໄດ້ຈາກການຝຶກຊ້ອມມີສະຖິຕິທີ່ດີ ສາມາດຍາດແຍ່ງຫລຽນລາງວັນໄດ້ໃນລະດັບນາໆຊາດ.
ທາງໂຮງຮຽນກໍຄືຜູ້ປົກຄອງ ແລະ ຄູຝຶກຈຶ່ງຕັດສິນໃຈສົ່ງນ້ອງທັງສອງໄປທົດສອບຄວາມສາມາດ ຫາປະສົບການ. ພ້ອມນັ້ນ, ວິນນີ້ຍັງໄດ້ ອັນດັບສາມ ໃນການແຂ່ງຂັນທີ່ເຮັດເວລາດີ ແລະ ໄດ້ລາງວັນຫຼາຍໃນອາຍຸ 7 ຫາ 8 ປີ ຕື່ມອີກ.
ຂ່າວ: ວສລ