ເຂື່ອນໄຟຟ້າແຂວງໄຊຍະບູລີແຈ້ງເຕືອນສະຖານະການປະລິມານນໍ້າ ແລະ ລະດັບນໍ້າຂອງ ແມ່ນໍ້າຂອງເພີ່ມສູງຂຶ້ນ.

1. ພາບລວມສະຖານະການ: ເກີດຝົນຕົກຫນັກຕໍ່ເນື່ອງໃນປະເທດລາວ ເລີ່ມຕັ້ງແຕ່ວັນທີ 11 ສິງຫາ ແລະ ມີການ ລະບາຍນໍ້າທີ່ເພີ່ມຂື້ນຈາກໂຮງໄຟຟ້າພະລັງນໍ້າທາງດ້ານເຫນືອນໍ້າ ສົ່ງຜົນໃຫ້ມີປະລິມານນໍ້າໄຫຼເຂົ້າສູ່ທີ່ໂຮງໄຟຟ້າ ໂດຍຢືນຢັນການກວດວັດແທກຈາກສະຖານີກວດວັດແທກລະດັບນໍ້າສຸພານຸວົງ ທີ່ຕັ້ງຢູ່ແຂວງຫຼວງພະບາງ.

2. ການແຈ້ງເຕືອນເຖິງຫມູ່ບ້ານທີ່ຢູ່ບໍລິເວນທ້າຍໂຮງໄຟຟ້າ: ບໍລິສັດ ຄາດວ່າລະດັບນໍ້າໃນແມ່ນໍ້າຂອງຈະເພີ່ມສູງຂຶ້ນອີກ ດັ່ງນັ້ນ ຂຸມຊົນທີ່ຢູ່ທ້າຍໂຮງໄຟຟ້າ ຄວນດໍາເນີນການຕຽມການຕາມແຜນຮັບສຸກເສີນ ກໍລະນີນໍ້ານອງ ຊື່ງຄາດວ່າ ຈະເລີ່ມຕັ້ງແຕ່ ວັນທີ 20 ສິງຫາ.

3. ການແຈ້ງເຕືອນເຖິງຫມູ່ບ້ານທີ່ບໍລິເວນເທີງໂຮງໄຟຟ້າ; ຊຸມຊົນທີ່ຕັ້ງຢູ່ບໍລິເວນເທິງໂຮງໄຟຟ້າ ໃຫ້ຕຽມພ້ອມຮັບມື ແລະ ດໍາເນີນການຕາມແຜນຮັບມືສຸກເສີນ ສໍາລັບການປ່ຽນແປງຂອງລະດັບນໍ້າໃນແມ່ນໍ້າຂອງ ທັງເພີ່ມຂຶ້ນ ແລະ ຫຼຸດລົງ ຊຶ່ງຄາດວ່າຈະເລີ່ມ ຕັ້ງແຕ່ ວັນທີ 20 – 23 ສິງຫາ.

4. ການປະກາດສະຖານະການສຸກເສີນກໍລະນີນໍ້ານອງ: ເພື່ອໃຫ້ເປັນໄປຕາມມາດຕະການຄວາມປອດໄພ ເພື່ອຮັກສາ ໂຄງສ້າງພື້ນຖານ ແລະ ຊຸມຊົນ ໂດຍອ້ອມຮອບໂຮງໄຟຟ້າເປັນສິ່ງສໍາຄັນສູງສຸດຂອງບໍລິສັດ. ດັ່ງນັ້ນ, ບໍລິສັດ ຈຶ່ງໄດ້ ດໍາເນີນການຕາມແຜນຮັບມືສຸກເສີນໃນສະຖານະການແຈ້ງເຕືອນ ລະດັບທີ 3 (ປະລິມານນໍ້າໄຫຼເຂົ້າ ແມ່ນຫຼາຍກ່ວາ 12,800 ແມັດກ້ອນຕໍ່ ວິນາທີ) ຕາມສະຖານະການໃນປະຈຸບັນ.

5, ການອັບເດດສະຖານະການ: ເນື່ອງຈາກສະຖານະການນີ້ມີຄວາມປ່ຽນແປງຕະຫຼອດເວລາ, ຊຸມຊົນ ແລະ ຜູ້ມີ ສ່ວນໄດ້ສ່ວນເສຍຄວນເຝົ້າລະວັງ ແລະ ຕຽມພ້ອມສໍາລັບການດໍາເນີນການຢ່າງວ່ອງໄວຕາມຄໍາແນະນໍາທີ່ອາດອອກມາໃນອະນາຄົດ.

6. ການເຝົ້າລະວັງ ແລະ ໃຫ້ຄໍາແນະນໍາ: ທິມງານຂອງບໍລິສັດ ກໍາລັງຕິດຕາມສະຖານະການຢ່າງໃກ້ຊິດ, ບໍລິສັດ ຂໍ ຮັບຮອງວ່າຈະໃຫ້ຂໍ້ມູນອັບເດດກັບທ່ານ ເມື່ອສະຖານະການມີຄວາມບໍ່ແນ່ນອນ ຫຼື ຫາກມີການປ່ຽນແປງ.