ຮ່ອງຄວາມກົດດັນອາກາດຕໍ່າ ຫຼືວ່າຮ່ອງຝົນ ຍັງພາດຜ່ານພາກເໜືອ ຂອງປະເທດລາວ, ສົມທົບກັບກະແສລົມມໍລະສຸມຕາເວັນຕົກສ່ຽງໃຕ້ ພັດປົກຄຸມ. ເຊິ່ງຈະເຮັດໃຫ້ ຈະມີຝົນຕົກ, ຟ້າຮ້ອງ, ຟ້າເຫຼື້ອມ ໃນລະດັບຄ່ອຍ ຫາ ປານກາງ ເປັນບໍລິເວນກວ້າງໃນແຕ່ລະພາກ ແລະ ຕົກໜັກ, ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ແລະ ພາກກາງ.
ຂໍ້ມູນອຸຕຸກະເສດປະຈໍາອາທິດ ສໍາລັບເຂົ້ານາປີ ແລະ ພືດຜັກ, ວັນທີ 12 ສິງຫາ 2024. ໃນໄລຍະໜຶ່ງອາທິດຂ້າງໜ້າແມ່ນມີຄວາມສ່ຽງຝົນຕົກ ໜັກຢູ່ໃນເຂດເມືອງຄໍາ ແຂວງຊຽງຂວາງ. ເຂົ້ານາປີ ແມ່ນຢູ່ໃນໄລຍະ ຈະເລີນເຕີບໂຕຂອງຕົ້ນກ້າ ໃຫ້ປະຊາຊົນເພີ່ມທະວີຕິດຕາມເຝົ້າລະວັງ ເພື່ອປ້ອງກັນແມງໄມ້, ພະຍາດຈາກເຊື້ອລາ, ໃຫ້ໃຊ້ສະໝຸນໄພ, ຢາປາບ ສັດຕູພືດ ແລະ ຢາຂ້າເຊື້ອລາປະສົມກັນ ເພື່ອຫຼຸດຜ່ອນການທໍາລາຍ ໃຊ້ຝຸ່ນເພື່ອຄວາມແຂງແຮງຂອງເຂົ້າ ແລະ ນໍາໃຊ້ມາດຕະການທີ່ເໜາະສົມ.
ສໍາລັບພະຍາດໃບໄມ້, ພະຍາກາບໃບແຫ້ງ, ພະຍາດໃບຈຸດສີນໍ້າຕານ, ບົ້ງຫໍ້ລໍາຕົວ, ແມງບົ້ງ ທີ່ມີຄວາມສ່ຽງສູງ ນໍາໃຊ້ມາດຕະການທີ່ເໝາະສົມ ຕາມການແນະນໍາຈາກຂະແໜງກະສິກໍາ ເພື່ອຫຼຸດຜ່ອນຄວາມເສຍຫາຍ ຈາກໄພແຫ້ງແລ້ງທີ່ມີຄວາມສ່ຽງສູງ.