Homeຂ່າວພາຍ​ໃນນາຍົກລາວ-ຍີ່ປຸ່ນ ເແລກປ່ຽນຄຳຄິດເຫັນລະຫວ່າງສອງປະເທດ

ນາຍົກລາວ-ຍີ່ປຸ່ນ ເແລກປ່ຽນຄຳຄິດເຫັນລະຫວ່າງສອງປະເທດ

Published on

ໃນວັນທີ 8 ສິງຫາ 2024 ທີ່ຫ້ອງວ່າການສໍານັກງານນາຍົກລັດຖະມົນຕີ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ສົນທະນາທາງໂທລະສັບ ກັບທ່ານ ກິຊິດະ ຟຸມິໂອະ (KISHIDA Fumio) ນາຍົກລັດຖະມົນຕີ ແຫ່ງ ປະເທດ ຍີ່ປຸ່ນ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ, ຖານເປັນຄູ່ຮ່ວມຍຸດທະສາດ ລາວ-ຍີ່ປຸ່ນ ໃຫ້ນັບມື້ນັບແໜ້ນແຟ້ນຍິ່ງໆຂຶ້ນ.

May be an image of 1 person and text

ໃນການພົບປະສົນທະນາທາງໄກຄັ້ງນີ້, ສອງຝ່າຍໄດ້ສະແດງຄວາມປິຕິຍິນດີທີ່ໄດ້ມີໂອກາດປຶກສາຫາລື ແລະ ແລກປ່ຽນຄຳຄິດເຫັນໃນການເສີມຂະຫຍາຍການພົວພັນຮ່ວມມືລະຫວ່າງສອງປະເທດ, ຊຶ່ງສອງຜູ້ນຳໄດ້ເຫັນດີເປັນເອກະພາບຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ຍີ່ປຸ່ນ ໃນໄລຍະເກືອບ 70 ປີ ທີ່ສືບຕໍ່ໄດ້ຮັບການເພີ່ມພູນຄູນສ້າງເປັນກ້າວໆມາ ແລະ ເຫັນດີຈະຮ່ວມກັນຈັດບັນດາກິດຈະກຳຕ່າງໆ ເພື່ອສະເຫລີມສະຫລອງ ຄົບຮອບ 70 ປີ ແຫ່ງການສ້າງຕັ້ງສາຍພົວພັນການທູດ ແລະ ຄົບຮອບ 10 ປີ ແຫ່ງການເປັນຄູ່ຮ່ວມຍຸດທະສາດ ລາວ-ຍີ່ປຸ່ນ ໃນປີ 2025.

Prime Minister KISHIDA Fumio's Personal Timeline | The Government of Japan  - JapanGov -

ສອງຝ່າຍ ຍັງໄດ້ປຶກສາຫາລືກັນ ເພື່ອສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນຂຶ້ນສູ່ລະດັບໃໝ່ໃນຕໍ່ໜ້າ, ສືບຕໍ່ຊຸກຍູ້ ແລະ ສົ່ງເສີມການພົວພັນຮ່ວມມືໃນຫລາຍດ້ານ ເປັນຕົ້ນ ເສດຖະກິດ, ການຄ້າ, ການລົງທຶນ, ການທ່ອງທ່ຽວ ແລະ ສືບຕໍ່ຊຸກຍູ້ການເປີດຖ້ຽວບິນໂດຍກົງ (Charter flight) ເພື່ອສົ່ງເສີມການແລກປ່ຽນໄປມາຫາສູ່ຂອງປະຊາຊົນສອງຊາດ ໃຫ້ມີບັນຍາກາດຟົດຟື້ນ ໂດຍສະເພາະໃນໂອກາດປີທ່ອງທ່ຽວລາວ 2024 ທັງເປັນການເພີ່ມໂອກາດໃຫ້ນັກທຸລະກິດ-ນັກລົງທຶນ ຍີ່ປຸ່ນ ໄດ້ມາຊອກຫາຊ່ອງທາງການຮ່ວມມືທາງດ້ານເສດຖະກິດເພີ່ມຕື່ມ.

May be an image of 4 people and text

ຝ່າຍລາວຍັງໄດ້ສະແດງຄວາມພ້ອມທີ່ຈະໄດ້ເປັນກຽດຕ້ອນຮັບ ທ່ານນາຍົກລັດຖະມົນຕີ ກິຊິດະ ຟຸມິໂອະ ພ້ອມດ້ວຍຄະນະຜູ້ແທນຂັ້ນສູງ ໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມສຸດຍອດອາຊຽນ ແລະ ກອງປະຊຸມອື່ນໆທີ່ກ່ຽວຂ້ອງ ທີ່ນະຄອນຫລວງວຽງຈັນ ໃນເດືອນຕຸລາ 2024 ນີ້.

Inflation, Rising Prices Have Voters Turning on Japan PM Fumio Kishida -  Bloomberg

ພ້ອມທັງໃຫ້ການສະໜັບສະໜູນຕໍ່ຂໍ້ສະເໜີຂອງຝ່າຍຍີ່ປຸ່ນ ກ່ຽວກັບການຈັດກອງປະຊຸມສຸດຍອດຂອງປະຊາຄົມອາຊີ ເພື່ອຫລຸດຜ່ອນການປ່ອຍອາຍພິດໃຫ້ເຫລືອສູນ ຄັ້ງທີ 2 ໃນໂອກາດດຽວກັນ ກັບການຈັດກອງປະຊຸມສຸດຍອດອາຊຽນ ໃນເດືອນຕຸລາ 2024, ຊຶ່ງຝ່າຍຍີ່ປຸ່ນ ເຫັນວ່າ ສປປ ລາວ ມີທ່າແຮງດ້ານການຜະລິດພະລັງງານທົດແທນ-ພະລັງງານສະອາດ ແລະ ຈະເປັນການດຶງດູດນັກລົງທຶນຕ່າງປະເທດ ເຂົ້າມາລົງທຶນໃນດ້ານນີ້ຢູ່ ສປປ ລາວ ຫລາຍຂຶ້ນ. ໃນຂະນະດຽວກັນ, ຝ່າຍຍີ່ປຸ່ນ ໄດ້ເຊື້ອເຊີນ ທ່ານນາຍົກລັດຖະມົນຕີລາວ ເດີນທາງໄປຢ້ຽມຢາມ ປະເທດຍີ່ປຸ່ນ ໃນຕົ້ນປີ 2025 ເພື່ອເປັນການເປີດປີແຫ່ງການສະເຫລີມສະຫລອງສາຍພົວພັນການທູດ ລາວ ແລະ ຍີ່ປຸ່ນ ຄົບຮອບ 70 ປີ.

ຂ່າວ: ວສລ

ບົດຄວາມຫຼ້າສຸດ

ອາກາດຈະເຢັນລົງ ແລະ ມີຝົນ ໂດຍສະເພາະຢູ່ທາງພາກເໜືອດ້ານຕາເວັນອອກ ຢູ່ແຂວງຜົ້ງສາລີ, ຫົວພັນ ແລະ ຊຽງຂວາງ ພະຍາກອນອາກາດ ວັນທີ 11 ມີນາ 2026

ພະຍາກອນອາກາດ ປະຈໍາເຊົ້າວັນທີ 11 ມີນາ 2026 ຄວາມກົດດັນສູງຂອງອາກາດເຢັນໄດ້ອ່ອນກໍາລັງລົງປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງປານກາງ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຈະເຢັນ ຫາ ໜາວເຢັນໃນຕອນກາງຄືນ ຫາ ຕອນເຊົ້າຢູ່ແຂວງພາກເໜືອ, ແຂວງໄຊສົມບູນ...

ຝັງໄມໂຄຊິບຊ້າງ 50 ເຊືອກ ລາວຍົກລະດັບການຄຸ້ມຄອງຊ້າງລ້ຽງ ສໍາເລັດການຂຶ້ນທະບຽນ ແລະ ຝັງໄມໂຄຊິບຊ້າງ ຈຳນວນ 50 ເຊືອກ ຕາມມາດຕະຖານ CITES

ລັດຖະບານ ສປປ ລາວ ບັນລຸຄວາມຄືບໜ້າສຳຄັນໃນວຽກງານປົກປັກຮັກສາຊ້າງດ້ວຍຜົນສຳເລັດການຂຶ້ນທະບຽນ ແລະ ຝັງໄມໂຄຊິບໃຫ້ຊ້າງລ້ຽງ ຈຳນວນ 50 ເຊືອກ ໃນງານມະຫາກຳບຸນຊ້າງ ທີ່ ໄຊຍະບູລີ ປະຈຳປີ 2026....

ຄົບຮອບ 116 ປີ! ວັນທີ 08 ມີນາ ວັນແມ່ຍິງສາກົນ ເປັນວັນທີ່ເຮັດໃຫ້ແມ່ຍິງໃນທົ່ວໂລກ ຮູ້ເຖິງສິດທິຂອງຕົນເອງຫຼາຍຂຶ້ນ (08/03/1910-08/03/2026)

ວັນທີ 8 ມີນາ ແມ່ນເຫດການ-ການເມືອງທີ່ສໍາຄັນ, ເປັນຂີດໝາຍ ແຫ່ງໄຊຊະນະພື້ນຖານຂອງຂະບວນການແມ່ຍິງສາກົນ ໃນການຕໍ່ສູ້ທວງ ເອົາສິດຜົນປະໂຫຍດອັນເປັນທໍາໃຫ້ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດສະເໝີພາບ ປະຊາທິປະໄຕ ຄືກັນກັບຜູ້ຊາຍ,...

ເກີດແຜ່ນດິນໄຫວໃນລາວ ໃນວັນທີ 07 ມີນາ 2026 ເກີດແຜ່ນດິນໄຫວ ຂະໜາດ 1.9 ຣິກເຕີ ຄວາມເລິກ 4 ກິໂລແມັດ ຢູ່ເມືອງປາກແບ່ງ ແຂວງອຸດົມໄຊ

ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວ ພາຍໃນປະເທດ ແລະ ບັນດາປະເທດໃກ້ຄຽງ ປະຈໍາວັນທີ 06 ມີນາ 2026 ເວລາ 7:00 ໂມງເຊົ້າ ຫາ ວັນທີ 07...