ສະໜາມບິນຫັນຕາວະດີ (Hanthawaddy) ວ່າທີ່ສະໜາມບິນສາກົນແຫ່ງໃໝ່ຂອງມຽນມ້າ ຈະສ້າງຂຶ້ນໃໝ່ດ້ວຍ
ຄວາມທັນສະໄໝ ຮອງຮັບການຂະຫຍາຍຕົວຂອງການທ່ອງທ່ຽວ ແລະ ການລົງທຶນ.
ສຳນັກຂ່າວຕ່າງປະເທດ ລາຍງານ ໃນວັນທີ 16 ທັນວານີ້ວ່າ ໂຄງການກໍ່ສ້າງສະໜາມບິນສາກົນຫັນຕາວະດີ ໄດ້ຜ່ານການ
ປະມູນກໍ່ສ້າງເມື່ອທ້າຍເດືອນຕຸລາທີ່ຜ່ານມາ ໂດຍແມ່ນບໍລິສັດຂອງສິງກະໂປຮ່ວມກັບຍີ່ປຸ່ນ ເປັນຜູ້ຊະນະການປະມູນໄປ
ເຊິ່ງຄາດວ່າຈະດຳເນີນການກໍ່ສ້າງຈົນສຳເລັດ ແລະ ເປີດໃຊ້ໄດ້ໃນເດືອນທັນວາ ປີ 2019 ຫລື ອີກ 5 ປີທາງໜ້ານີ້.
ສະໜາມບິນແຫ່ງດັ່ງກ່າວນີ້ ຢູ່ຫ່າງຈາກຕົວເມືອງຢາງກຸ້ງອອກໄປ 80 ກິໂລແມັດ ແລະ ຄາດວ່າສາມາດຮອງຮັບນັກເດີນ
ທາງໄດ້ກ່ວາ 12 ລ້ານຄົນ ເຊິ່ງຫລາຍກ່ວາສະໜາມບິນຢາງກຸ້ງທີ່ໃຊ້ໃນປັດຈຸບັນ ທີ່ຂ້ອນຂ້າງແອອັດ ເພາະຮອງຮັບນັກເດີນ
ທາງໄດ້ພຽງ 2.7 ລ້ານຄົນຕໍ່ປີເທົ່ານັ້ນ.
