ໃນວັນທີ 8 ສິງຫາ 2024 ສຳນັກຂ່າວຕ່າງປະເທດລາຍງານ: ເກີດເຫດໄຟໄໝ້ບ້ານຫຼັງໜຶ່ງ ໃນເມືອງທັດຊາ ລັດໂອຄາໂຮມາ ປະເທດສະຫະລັດອາເມຣິກາ ໂດຍກ້ອງວົງຈອນປິດສາມາດບັນທຶກສາເຫດຂອງການເກີດໄຟໄໝ້ຄັ້ງນີ້ໄວ້ໄດ້.
ໂດຍກ້ອງວົງຈອນປິດໄດ້ບັນທຶກພາບໝາ 2 ໂຕກຳລັງນອນຫຼິ້ນໃນຫ້ອງນັ່ງຫຼິ້ນພາຍໃນບ້ານ ຊຶ່ງໃນຕອນນັ້ນບໍ່ມີໃຜຢູ່ບ້ານກ່ອນທີ່ໝາອີກໂຕໜຶ່ງຈະຄາບແບັດເຕີຣີສຳຮອງ ຫຼື ພາວເວີແບ້ງ ມານອນກັດຫຼິ້ນຢູ່ເທິງຜ້າປູ ເຮັດໃຫ້ໄຟໄໝ້ຂຶ້ນ ແລະ ໝາທັງສອງກໍມີອາການຕົກໃຈ ແລະ ຖອຍໜີ ເຮັດໃຫ້ໄຟທີ່ລຸກໄໝ້ຂຶ້ນນັ້ນລາມໄປທົ່ວຫ້ອງນັ່ງຫຼິ້ນ.
ຕາມກນລາຍງານຂອງເຈົ້າໜ້າທີ່ໄດ້ລະບຸວ່າ: ບ້ານຫຼັງດັ່ງກ່າວໄດ້ຮັບຄວາມເສຍຫາຍພໍສົມຄວນເນື່ອງຈາກໄຟໄດ້ລຸກລາມພາຍໃນຫ້ອງນັ່ງຫຼິ້ນ ແຕ່ໂຊກຍັງດີທີ່ໝາທັງສອງໂຕສາມາດໜີອອກທາງປະຕູໝາໄດ້ທັນ ໂດຍບໍໄດ້ຮັບບາດເຈັບ.
ຝາກເຕືອນເປັນອຸທາຫອນສຳລັບໃຜທີ່ລ້ຽງໝາ ຄວນເກັບຮັກສາສິ່ງຂອງທີ່ອາດຈະເກີດປະກາຍໄຟໃຫ້ຫ່າງໄກຈາກນ້ອງໝາ ເພື່ອບໍ່ໃຫ້ເກີດການສູນເສຍທັງຊິວິດ ແລະ ສິ່ງຂອງຄືດັ່ງເຫດການນີ້.
ແຫຼ່ງຂ່າວ:CH7