ສຳນັກຂ່າວຕ່າງປະເທດ ລາຍງານວ່າ: ພົບຜູ້ເສຍຊີວິດຈາກພະຍາດໄຂ້ເລືອດອອກ ໄຄມຽນຄອງ ຄົນທຳອິດໃນປະເທດສະເປນ, ໂດຍແມ່ນຊາຍສູງອາຍຸ 74 ປີ, ເຊິ່ງມີອາການໄຂ້, ຫຼັງຈາກທີ່ຖືກໂຕເຫັບກັດ ແລະ ໄປພົບແພດໃນວັນທີ 19 ກໍລະກົດທີ່ຜ່ານມາ, ມາໃນວັນທີ 21 ກໍລະົກດທີ່ຜ່ານມາ ແພດໄດ້ຢັ້ງຢືນວ່າ: ຊາຍຄົນດັ່ງກ່າວຕິດພະຍາດໄຂ້ເລືອດອອກ ໄຄມຽນຄອງ, ອາການຂອງລາວກ່ອນທີ່ຈະເສຍຊີວິດແມ່ນເກີດຈາກພາວະອະໄວຍະວະພາຍໃນຫຼົ້ມເຫຼວ.
ພະຍາດໄຂ້ເລືອດອອກດັ່ງກ່າວ ມີສາເຫດມາຈາກເຊື້ອໂນໂລໄວຣັດ ເຊິ່ງພົບໃນໂຕເຫັບ, ອາການເບື້ອງຕົ້ນຈະມີໄຂ້ສູງກະທັນຫັນ, ໜາວສັ່ນ, ວິນຫົວ, ປວດຮາກ, ນອກນີ້ຍັງມີເລືອດດັງອອກ, ເສັ້ນເລືອດຝອຍໃນຕາແຕກ,ຜິວໜັງມີຮອນແດງ, ເນື່ອງຈາກມີເລືອດອອກຕາມອະໄວຍະວະພາຍໃນ.
ພະຍາດນີ້ຍັງບໍ່ທັນມີວັກຊີນຮັກສາເທື່ອ, ດັ່ງນັ້ນທາງການສະເປນ ໄດ້ແນະນຳໃຫ້ປະຊາຊົນສວມໃສ່ໂສ້ງຂາຍາວ ແລະ ເສື້ອແຂນຍາວ, ເກີບໂບກ ຫຼື ເກີບຫຸ້ມສົ້ນ, ໃຊ້ຢາໄລ່ເຫັບ ຫາກຕ້ອງຢູ່ໃນພື້ນທີ່ສ່ຽງ.
ຂ່າວ: CNN