ເຈົ້າເມືອງວຽງຄໍາ ຂໍຖືເປັນກຽດລາຍງານມາຍັງ ທ່ານ ເຈົ້າແຂວງຫຼວງພະບາງ ຮັບຮູ້ ຕໍ່ກັບ ສະພາບຄວາມເສຍຫາຍເບື້ອງຕົ້ນ ຈາກໄພພິບັດນໍ້າຖ້ວມ ທີ່ເກີດຂຶ້ນ ໃນລະຫວ່າງວັນທີ 23-24 ກໍລະກົດ 2024 ທີ່ໄດ້ຖືກຜົນກະທົບ ຈໍານວນ 12 ບ້ານ, 324 ຄອບຄົວ ຄື: ບ້ານເມືອງຫມ້ວຍ, ບ້ານ ວັງຄໍາ, ບ້ານຫ້ວຍໂກນ, ບ້ານປາກລາວ, ບ້ານບວມມີີ້, ບ້ານຕຸມມິງ, ບ້ານວຽງທອງ, ບ້ານສົບເຮືອງ, ບ້ານນາແວ່ນ, ບ້ານປ່າໄຜ, ບ້ານນໍ້າຊອຍ, ບ້ານຫາດຫຽ່ນ ແລະ ບ້ານຫ້ວຍພຽງ, ການຄາດຂະເນຄວາມ ເສຍຫາຍທັງຫມົດ 5.679. 250.000 ກີບ ລາຍລະອຽດດັ່ງນີ້:

1. ເຮືອນໄຫຼ່ 4 ຫຼັງ.
2. ເຂົ້າເປືອກ, ເຂົ້າສານ 3 ເຫຼົ້າ, 3 ໂຕນ (ຖືກນໍ້າໄຫຼ).
3. ສັດລ້ຽງປະເພດ, ງົວ, ຄວາຍ ສູນຫາຍ 50 ໂຕ; ຫມູ, ແບ້ 100 ກວ່າໂຕ ແລະ ສັດບິກ 2,000 ກວ່າໂຕ.
4. ຄາດຄະເນ ເນື້ອທີ່ດ້ານກະສິກໍາ ທີ່ຖືກເສຍຫາຍ ເນື້ອທີ່ນາ 25 ກວ່າເຮັກຕາ, ເນື້ອທີ່ໄຮ່ 10 ກວ່າ ເຮັກຕາ; ຊົນລະປະທານ 4 ແຫ່ງ; ຫນອງປາ 32 ຫນອງ.
5. ເຄື່ອງໃຊ້ຄົວເຮືອນ ຖືກເສຍຫາຍທັງຫມົດ 120 ກວ່າຄອບຄົວ.
6. ດ້ານຄົມມະນາຄົມ.
– ເສັ້ນທາງ 1C ແຕ່ບ້ານວຽງຄໍາ ຫາ ຊາຍແດນເມືອງຮ້ຽມ ແຂວງຫົວພັນ ບໍ່ສາມາດສັນຈອນໄດ້. – ໄຟຟ້າຈໍານວນ 20 ບ້ານ ບໍ່ສາມາດນໍາໃຊ້ໄດ້.
– ນໍ້າລິນ ເສຍຫາຍ 12 ບ້ານ ມູນຄ່າ 432.000.000 ກີບ.

ວິທີແກ້ໄຂ:
1. ແຕ່ງຕັ້ງຄະນະສະເພາະກິດ ຂັ້ນເມືອງ ລົງຕິດຕາມ, ກວດກາ, ເກັບກໍາຂໍ້ມູນ, ເຝົ້າລະວັງ ແລະ ໃຫ້ການຊ່ວຍເຫຼືອປະຊາຊົນ.
2. ທິມງານ 5-7 ຄົນ ລົງປະຈໍາ 12 ບ້ານ.
3. ປຸກລະດົມ ຂໍຄວາມຊ່ວຍເຫຼືອ ບັນດາບໍລິສັດ, ຫ້າງຮ້ານປະກອບສ່ວນ ຊ່ວຍທົ່ວສັງຄົມ. ພາກສະເຫນີ ສິ່ງຈໍາເປັນ ຮີບດ່ວນ: ເຂົ້າກິນ, ອາຫານແຫ້ງ, ນໍ້າດື່ມ, ເຄື່ອງໃຊ້ຄົວເຮືອນ, ເຄື່ອງນຸ່ງຮົ່ມ.
ສະນັ້ນ, ຈິງໄດ້ລາຍງານມາຍັງທ່ານ ເພື່ອຮັບຊາບ ແລະ ຂໍທິດຊີ້ນໍາໃນການຈັດຕັ້ງປະຕິບັດດ້ວຍ.