ຫຼາຍຄົນອາດສົງໃສ ແລະ ງົງວ່າ: ຍ້ອນຫຍັງ? ຝົນຈຶ່ງມັກຕົກໃນໂມງເລີກວຽກຕະຫຼອດໆ, ແຕ່ຊ່ວງເວລາຕອນອື່ນໆບໍ່ຄ່ອຍຈະຕົກ, ເຊິ່ງມື້ລາວໂພສ ໄດ້ເອົາຂໍ້ມູນມາໃຫ້ອ່ານໄປນຳກັນ.
ການເກີດຝົນຕົກ ແມ່ນເກີດມາຈາກປະລິມານອາຍນໍ້າໃນທົ່ວໂລກ ຖືກຄວາມຮ້ອນ ແລ້ວລະເຫີຍເປັນອາຍຂຶ້ນໄປເທິງຟ້າ ຈາກນັ້ນກາຍເປັນກ້ອນເມກ, ເຊິ່ງພື້ນທີ່ ທີ່ມີຄວາມຮ້ອນສູງຈະເອີ້ນວ່າ: ເກາະຄວາມຮ້ອນ (Urban Heat Island), ແສງແດດຈະສ່ອງໄປກະທົບກັບພື້ນດິນ, ຕຶກອາຄານ, ຖະໜົນຕ່າງໆ ເຮັດໃຫ້ສະສົມຄວາມຮ້ອນ ແລະ ອາຍຮ້ອນປະຕິກິລິຍາເມກ.
ເຊິ່ງຈະເລີ່ມກໍຕົວຝົນເວລາປະມານ 15.00 ເປັນຕົ້ນໄປ ຫຼື ເມື່ອແສງແດດຄ້ອຍຕໍ່າລົງ, ສົ່ງຜົນໃຫ້ຄວາມຊຸ່ມຖືກປ່ອຍອອກມາ ກະທົບກັບອາກາດເຢັນ ເທິງເກາະຄວາມຮ້ອນ ກໍຈະກັ່ນຕອງອອກມາເປັນເມັດຝົນ, ເຮັດໃຫ້ຝົນມັກຈະຕົກໃນຊ່ວງເວລາ 16.00 – 18.00, ເຊິ່ງກົງກັບໂມງເລີກວຽກພໍດີ.
ຂໍ້ມູນ: climatekids.nasa