ອີງຕາມການລາຍງານຈາກສຳນັກຂ່າວຕ່າງປະເທດ ໃນວັນທີ 18 ກໍລະກົດ 2024 ຜ່ານມາ, ກ່ຽວກັບເລື່ອງລາວຂອງຊາຍໜຸ່ມຈີນຄົນໜຶ່ງອາຍຸ 25 ປີ ອາໃສຢູ່ເຂດເຫີນານ ຂອງຈີນໄດ້ຮຽກຮ້ອງກ່ຽວກັບເຈົ້າສາວທີ່ຕົວະຍົວະລອກລວງ ເພາະລາວຫາກໍຄົ້ນພົບວ່າເຈົ້າສາວອາຍຸຫ່າງກັນ 25 ປີ.
ຕາມການລາຍງານຊາຍໜຸ່ມເລົ່າວ່າ: ໄດ້ພົບຍິງສາວໂດຍບັງເອີນ ລາວມີຄວາມເປັນຜູ້ໃຫຍ່ ແລະ ມີສະເໜ່ ສາມາດສ້າງຄວາມປະທັບໃຈຊາຍໜຸ່ມ ແລ້ວທັງສອງກໍໄດ້ຄົບກັນ ທັງນີ້ຝ່າຍຊາຍກໍໄດ້ສັງເກດວ່າທຸກຄັ້ງທີ່ໄດ້ພົບກັນ ຝ່າຍຍິງໄດ້ແຕ່ງໜ້າຢ່າງລະອຽດຕະຫຼອດ ແຕ່ລາວກໍຄິດໃນທາງທີ່ດີວ່າ ຝ່າຍຍິງອາດຈະຕ້ອງການໂຊດ້ານທີ່ສວຍງາມທີ່ສຸດໃຫ້ຊາຍໜຸ່ມເຫັນ.
ຫຼັງຈາກຄົບຫາກັນໄດ້ບໍ່ດົນທັງສອງກໍຕັດສິນໃຈແຕ່ງງານກັນ ໃນມື້ນັ້ນຝ່າຍຊາຍຄິດວ່າຕົນເອງເປັນຜູ້ຊາຍທີ່ມີຄວາມສຸກທີ່ສຸດໃນໂລກ ແຕ່ລັງຈາກແຕ່ງງານເມຍຂອງລາວໄດ້ຫາຍໜ້າຫາຍຕາ ລາວຈຶ່ງໄດ້ຊອກຫາທີ່ຢູ່ ແລະໃນທີ່ສຸດລາວກໍຄົ້ນພົບຄວາມຈິງທີ່ເຮັດໃຫ້ຕົກໃຈ: ເມຍຂອງຝ່າຍຊາຍມີອາຍຸ 50 ປີ ແລະ ມີລູກຊາຍແລ້ວ ເຊິ່ງລູກຂອງຜູ້ຍິງອາຍຸຫຼາຍກວ່າ.
ຫຼັງຈາກເລື່ອງລາວດັ່ງກ່າວໄດ້ເຜີຍແຜ່ອອກໄປໃນສື່ສັງຄົມອອນລາຍຊາຍໜຸ່ມໄດ້ກ່າວວ່າ: ທາງດ້ານເມຍຂອງຕົນຫຼີກລ່ຽງການພົບກັນ ແລະ ປະຕິເສດເລື່ອງຄືນເງິນຄ່າສິນສອດ ເຊິ່ງເຮັດໃຫ້ຝ່າຍຊາຍລຳບາກໃຈຫຼາຍ ທາງດ້ານນັກຂ່າວໄດ້ຕິດຕໍ່ຂໍສຳພາດຝ່າຍຍິງກໍຕອບກັບມາສັ້ນໆວ່າ: ນາງພຽງຕ້ອງການຫາຜົວທີ່ຊື່ສັດ ແລະ ຮັກນາງເທົ່ານັ້ນ.