ແຈ້ງເຕືອນ ພາຍຸດີເປຣຊັນ ເຊົ້າວັນທີ 16 ກໍລະກົດ 2024 ລົມພະຍຸດີເປຊັ່ນໄດ້ອ່ອນກໍາລັງລົງ ກາຍເປັນບໍລິເວນຄວາມກົດດັນອາກາດຕໍ່າ ທີ່ມີກໍາລັງແຮງປົກຄຸມຢູ່ພາກກາງ ແລະ ພາກໃຕ້ຂອງປະເທດລາວ. ສົມທົບກັບລົມມໍລະສຸມຕາເວັນຕົກສ່ຽງໃຕ້ ພັດປົກຄຸມດ້ວຍກໍາລັງແຮງ. ເຊິ່ງຈະເຮັດໃຫ້ຈະມີຝົນຕົກ ຟ້າຮ້ອງ, ຟ້າເຫຼື້ອມ ໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຍັງຈະຕົກໜັກ ຫາ ໜັກຫຼາຍຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.
