Homeຂ່າວພາຍ​ໃນເລັ່ງທົດແທນຄ່າເສຍຫາຍໃຫ້ປະຊາຊົນ

ເລັ່ງທົດແທນຄ່າເສຍຫາຍໃຫ້ປະຊາຊົນ

Published on

ພະແນກພະລັງງານ ແລະ ບໍ່ແຮ່ ນະຄອນຫຼວງວຽງຈັນ (ນວ) ເລັ່ງຊຸກຍູ້ວຽກງານທົດແທນຄ່າເສຍຫາຍໃຫ້ປະຊາຊົນ ທີ່ໄດ້ຮັບຜົນກະທົບຈາກໂຄງການກໍ່ສ້າງສາຍສົ່ງໄຟຟ້າແຮງສູງ 230 ກິໂລໂວນ (ກວ) ແຕ່ ສະຖານີໄຟຟ້າ ເພຍລາດ-ສະຖານີໄຟຟ້າ ນາຊາຍທອງ ໃຫ້ສຳເລັດໂດຍໄວ, ເຊິ່ງມີຜູ້ຖືກຜົນກະທົບທັງໝົດ 253 ຄອບຄົວ, ມາຮອດປັດຈຸບັນ, ປະຕິບັດສຳເລັດແລ້ວ 242 ຄອບຄົວ, ຍັງຄ້າງ 11 ຄອບຄົວ.

อาจเป็นรูปภาพของ 1 คน, แท่นบรรยาย และ ข้อความ

ທ່ານ ເສີມຄຳ ທຸມມະວົງສາ ຫົວໜ້າພະແນກພະລັງງານ ແລະ ບໍ່ແຮ່ ນະຄອນຫຼວງວຽງຈັນ ຊີ້ແຈງຕໍ່ຄຳຊັກຖາມຂອງ ສະມາຊິກສະພາແຫ່ງຊາດ ເຂດເລືອກຕັ້ງທີ 1 ນະຄອນຫຼວງວຽງຈັນ ແລະ ສະມາຊິກສະພາປະຊາຊົນ ນວ ໃນກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນ ນວ ຊຸດທີ II ໃນວັນທີ 9 ກໍລະກົດ 2024 ໂດຍທ່ານໄດ້ຍົກໃຫ້ເຫັນສາເຫດທີ່ພາໃຫ້ເກີດຂໍ້ຄົງຄ້າງ ໃນການທົດແທນຜົນເສຍຫາຍໃຫ້ປະຊາຊົນ ທີ່ໄດ້ຮັບຜົນກະທົບຈາກໂຄງການກໍ່ສ້າງສາຍສົ່ງໄຟຟ້າແຮງສູງ 230 ກວ ແຕ່ສະຖານີໄຟຟ້າ ເພຍລາດ-ສະຖານີໄຟຟ້າ ນາຊາຍທອງ ນວ ທີ່ຍັງຄົງຄ້າງ 11 ຄອບຄົວ, ເຊິ່ງສາເຫດຕົ້ນຕໍເກີດຈາກຜູ້ທີ່ໄດ້ຮັບຜົນກະທົບ ບໍ່ຍອມຮັບເອົາມູນຄ່າທົດແທນຊັບສິນ ທີ່ຄະນະຮັບຜິດຊອບໂຄງການໄດ້ຄິດໄລ່ ວ່າມູນຄ່າຕໍ່າ ແລະ ມີການຮຽກຮ້ອງໃຫ້ທົດແທນເນື້ອທີ່ດິນກ້ອງແລວທັງໝົດ, ໂດຍບໍ່ສອດຄ່ອງຕາມນິຕິກຳ ແລະ ມີບາງຄອບຄົວໄດ້ຮຽກຮ້ອງໃຫ້ທົດແທນແບບຊື້ເອົາໝົດຕອນດິນ, ເຮັດໃຫ້ໂຄງການບໍ່ສາມາດຈ່າຍໄດ້. ສຳລັບວິທີການແກ້ໄຂຈະປຸກລະດົມຂົນຂວາຍ ຄອບຄົວທີ່ຖືກຜົນກະທົບຈາກໂຄງການໃຫ້ມີຄວາມເຂົ້າໃຈ ແລະ ເສຍສະລະປະກອບສ່ວນໃຫ້ແກ່ປະເທດຊາດ.

ไม่มีคำอธิบายรูปภาพ

ທ່ານ ເສີມຄຳ ທຸມມະວົງສາ ຍັງໃຫ້ຮູ້ອີກວ່າ: ໂຄງການກໍ່ສ້າງສາຍສົ່ງໄຟຟ້າແຮງສູງ 230 ກວ ແຕ່ສະຖານີໄຟຟ້າເພຍລາດ-ສະຖານີໄຟຟ້ານາຊາຍທອງ ນະຄອນຫຼວງວຽງຈັນ ແມ່ນຊ່ວງຕໍ່ຈາກໂຄງ ການກໍ່ສ້າງສາຍສົ່ງ 500 ກວ ແຕ່ຊຽງຂວາງ-ເພຍລາດ, ເປັນສາຍສົ່ງ 4 ວົງຈອນ ແລະ ສາມາດລຳລຽງກະແສໄຟຟ້າໄດ້ 2.320 ເມກະວັດ, ເຊິ່ງນຳສົ່ງພະລັງງານໄຟຟ້າ ທີ່ຜະລິດຢູ່ເຂດພາກເໜືອ ເປັນຕົ້ນ ເຂື່ອນໄຟຟ້ານ້ຳງື່ມ 4 ທີ່ຈະສຳເລັດໃນປີ 2024, ເພື່ອມາຮັບໃຊ້ໃຫ້ແກ່ການພັດທະນາເສດຖະກິດ-ສັງຄົມ ຢູ່ນະຄອນຫຼວງວຽງຈັນ ໃຫ້ພຽງພໍ ແລະ ສົ່ງຂາຍອອກຕ່າງປະເທດ.

อาจเป็นรูปภาพของ 3 คน และ ต้นไม้

ເລີ່ມຈັດຕັ້ງປະຕິບັດ ມາແຕ່ປີ 2021, ມີຄວາມຍາວທັງໝົດປະມານ 48 ກິໂລແມັດ, ມີຈຸດທີ່ຕັ້ງເສົາທັງໝົດ 123 ຕົ້ນ, ເຊິ່ງແລວສາຍສົ່ງດັ່ງກ່າວ, ໄດ້ຜ່ານຢູ່ 3 ເມືອງ, 16 ບ້ານ, ມີຜູ້ຖືກຜົນກະທົບທັງໝົດ 253 ຄອບຄົວ, ໃນນີ້ຖືກຜົນກະທົບຈຸດຕັ້ງເສົາ 123 ຄອບຄົວ ແລະ ຜົນກະທົບກ້ອງແລວສາຍສົ່ງ 130 ຄອບຄົວ, ມາຮອດປັດຈຸບັນໄດ້ປະຕິບັດສຳເລັດແລ້ວ 242 ຄອບຄົວ ເທົ່າກັບ 95,65% ຂອງຈຳນວນຄອບຄົວທີ່ຖືກຜົນກະທົບທັງໝົດ ແລະ ຍັງຄ້າງ 11 ຄອບຄົວ.

ไม่มีคำอธิบายรูปภาพ

ສຳລັບຄອບຄົວທີ່ຖືກຜົນກະທົບດັ່ງກ່າວ ຢູ່ເມືອງສັງທອງ 8 ບ້ານ, ມີທັງໝົດ 164 ຄອບຄົວ ແກ້ໄຂສໍາເລັດ 100%; ເມືອງ ສີໂຄດຕະບອງ ຖືກຜົນກະທົບ 1 ບ້ານ, ມີ 4 ຄອບຄົວ, ແກ້ໄຂສໍາເລັດ 100%; ເມືອງນາຊາຍທອງ 6 ບ້ານ, ມີ 85 ຄອບຄົວ, ແກ້ໄຂສຳເລັດ 74 ຄອບຄົວ, ເທົ່າກັບ 87,06% ຍັງຄົງຄ້າງ 11 ຄອບຄົວ.

ຂ່າວ: ປະເທດລາວ

ບົດຄວາມຫຼ້າສຸດ

ນາຍົກລັດຖະມົນຕີ ຈະເດີນທາງຢ້ຽມຢາມຣັດເຊຍ ເຂົ້າຮ່ວມກອງປະຊຸມສະເຫຼີມສະຫຼອງສາຍພົວພັນ ອາຊຽນ-ຣັດເຊຍ ຄົບຮອບ 35 ປີ ໃນວັນທີ 14-17/06/2026

ແຈ້ງການ ຂອງກະຊວງການຕ່າງປະເທດ ແຫ່ງ ສປປ ລາວ ໂດຍຕອບສະໜອງຕາມການເຊື້ອເຊີນ ຂອງ ພະນະທ່ານ ມີຄາອິນ ມີຊູສະຕິນ, ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ,...

ບຸກມ້າງກຸ່ມແກ້ງສະແກມເມີ ແຂວງຈໍາປາສັກ ບຸກມ້າງແກ້ງສະແກມເມີ ກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ສັນຊາດຈີນ 48 ຄົນ ແລະ ສັນຊາດລາວ 02 ຄົນ

ເຈົ້າໜ້າທີ່ຕຳຫຼວດແຂວງຈຳປາສັກ ເປີດປະຕິບັດການຈູ່ໂຈມ ທະລາຍຮັງກຸ່ມແກ້ງສະແກມເມີ (Scammer) ທີ່ລັກລອບເຄື່ອນໄຫວອາດຊະຍາກຳທາງເທັກໂນໂລຢີ ສາມາດກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ພ້ອມຂອງກາງເຄື່ອງຄອມພິວເຕີ ແລະ ໂທລະສັບມືຖືເປັນຈຳນວນຫຼວງຫຼາຍ. ເຫດການດັ່ງກ່າວເກີດຂຶ້ນໃນວັນທີ 11 ມິຖຸນາ 2026...

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....