ຫຼາຍໆຄົນອາດຈະເຄີຍເປັນຮ້ອນໃນ, ບາງເທື່ອເດືອນໜຶ່ງເປັນ 2-3 ເທື່ອກໍມີ, ທຸກຄົນຈະຮູ້ຫຼືບໍວ່າ: ການທີ່ມັກເປັນຮ້ອນໃນຕະຫຼອດ, ອາດເປັນສັນຍານເຕືອນວ່າ: ເຮົາອາດຈະສ່ຽງເປັນມະເຮັງໃນໂຜ້ງປາກ, ມື້ນີ້ລາວໂພສໄດ້ນຳຂໍ້ມູນມາໃຫ້ອ່ານໄປນຳກັນ.

1. ເປັນຕຸ່ມຮ້ອນໃນມີລັກສະນະເປັນສີແດງ, ຂາວ, ບວມໆເປັນກ້ອນ.

2. ອາການຮ້ອນໃນບໍ່ດີຂຶ້ນພາຍໃນ 2-3 ອາທິດ.

3. ບາດແຜຈະໃຫຍ່ຂຶ້ນ, ບວມ, ເປັນກ້ອນໃຫຍ່, ມີອາການປວດ.

4. ເລືອດອອກໃນໂຜ້ງປາກ ໂດຍທີ່ບໍ່ຮູ້ສາເຫດ

5. ເວລາຫຍໍ້າ, ອ້າປາກ, ກືນອາຫານລຳບາກ, ເວລາເວົ້າສຽງຈະປ່ຽນໄປ, ມີອາການເຈັບໃນຫູ ແລະ ນໍ້າໜັກຕົວຫຼຸດລົງຢ່າງວ່ອງໄວ.

• ການປ້ອງການຄວາມສ່ຽງ ການເປັນ ”ມະເຮັງໂຜ້ງປາກ” ຈະຕ້ອງເຮັດແນວໃດ

1. ຫຼີກລ່ຽງການປະພຶດທີ່ເຮັດໃຫ້ໂຜ້ງປາກມີການລະຄາຍເຄື່ອງເຊັ່ນ: ການດື່ມເຫຼົ້າ, ສູບຢາ.

2. ກິນອາຫານປະເພດຜັກ ແລະ ໝາກໄມ້ຫຼາຍຊະນິດ

3. ຮັກສາສຸຂະພາບປາກ, ແຂ້ວໃຫ້ສະອາດຢູ່ສະເໝີ, ຫາກມີອາການຜິດປົກກະຕິໃຫ້ຮີບໄປພົບແພດ.

ຂໍ້ມູນ: chulalongkornhospital