ມຽນມ້າ ສ້າງລາຍຮັບ 300 ລ້ານໂດລາ ຈາກການສົ່ງອອກເຂົ້າ ໃນໄລຍະ 8 ເດືອນທຳອິດ (ເມສາ – ພະຈິກ) ຂອງປີງົບ
ປະມານ 2014-2015 ເຊິ່ງເພີ່ມຂຶ້ນ 118 ລ້ານໂດລາ ຫລື 64.8% ຈາກປີກ່ອນ.
ສຳນັກຂ່າວຕ່າງປະເທດ ລາຍງານໂດຍອ້າງການເປີດເຜີຍຂອງກະຊວງການຄ້າມຽນມ້າ ໃນວັນທີ 12 ທັນວາຜ່ານມາ
ນີ້ວ່າ ເຂົ້າທັງໝົດ 799,600 ໂຕນ ໄດ້ຖືກສົ່ງອອກຂາຍໃນໄລຍະ 8 ເດືອນຜ່ານມາ ເຊິ່ງຕົວເລກດັ່ງກ່າວໄດ້ເພີ່ມຂຶ້ນ
343,800 ໂຕນ ຫລື 75.4% ເຊິ່ງສ່ວນໃຫຍ່ແມ່ນສົ່ງອອກໄປປະເທດຈີນ ອັນເປັນຕະຫລາດຫລັກທີ່ຊື້ເຂົ້າຈາກມຽນມ້າ.
ທັງນີ້ ສະຖິຕິຂອງທາງການມຽນມ້າໄດ້ລະບຸວ່າ ການສົ່ງອອກເຂົ້າໃນຊ່ວງປີງົບປະມານກ່ອນ ແມ່ນສ້າງລາຍຮັບໄດ້ທັງ
ໝົດ 460 ລ້ານໂດລາ.