ສຳນັກຂ່າວຕ່າງປະເທດລາຍງານໃນວັນທີ 5 ກໍລະກົດ 2024 ກ່ຽວກັບເຫດການສະເທືອນຂວັນເມື່ອຍິງຊາວອິນໂດເນເຊຍຫາຍໂຕແບບປິດສະໜາ ສຸດທ້າຍພົບຢູ່ທ້ອງງູຫຼາມ ທີ່ມີຄວາມຍາວປະມານ 8 ແມັດ ເກີດຂຶ້ນທີ່ເກາະສຸລາເວສີ ປະເທດອິນໂດເນເຊຍ ເຊິ່ງເປັນລາຍທີ 2 ໃນຮອບ 1 ເດືອນ ເປັນສະຖານທີ່ດຽວກັນກັບເຫດການກ່ອນໜ້ານີ້ທີ່ເກີດຂຶ້ນຢູ່ເມືອງລູວູ ສຸລາເວສີໃຕ້.
ຕາມການລາຍງານຍິງຜູ້ເສຍຊີວິດຊື່ວ່າ: ນາງ ຊາເຣຍຕິ ອາຍຸ 35 ປີ ໄດ້ອອກໄປຮ້ານຂາຍຢາເພື່ອຊື້ຢາໃນວັນອັງຄານທີ 2 ກໍລະກົດ 2024 ເວລາ 8:00 ໂມງ ແລະ ໄດ້ຫາຍໂຕໄປຫຼາຍຊົ່ວໂມງ ເຊິ່ງທາງດ້ານນ້ອງຊາຍກໍໄດ້ຕາມຫາແຕ່ກໍບໍ່ພົບ ຈຶ່ງໄດ້ໂທບອກຜົວຂອງນາງ ຈາກນັ້ນທັງສອງໄດ້ອອກຕາມຫາ ຈຶ່ງພົບເກີບແຕະ ແລະ ໂສ້ງຂອງນາງ ຊາເຣີຍຕິ ຢູ່ຂ້າງທາງຫ່າງປະມານ 10 ແມັດ ພົບກັບງູຫຼາມຍັກທີ່ມີລັກສະນະທ້ອງໃຫຍ່ຄ້າຍຄືກັບກິນຫຍັງເຂົ້າໄປ ຜົວຂອງນາງ ຊາເຣຍຕິ ຈຶ່ງໄດ້ໃຊ້ອາວຸດຕັດຫົວງູ ກ່ອນຈະຮີບຜ່າທ້ອງຈຶ່ງພົບວ່າເມຍຂອງຕົນຢູ່ໃນທ້ອງງູໄດ້ເສຍຊີວິດແລ້ວ.
ຈາກຂໍ້ມູນຊາວບ້ານທີ່ອາໃສໃນບໍລິີເວນໃກ້ແມ່ນ້ຳບອກວ່າເ ມີງູຢ່າງນ້ອຍ 4-5 ໂຕທີ່ຂະໜາດເທົ່າກັນບາງໂຕຖືກຊາວບ້ານຂ້າໄປແລ້ວ, ຊາວບ້ານສົງໃສວ່າຍ້ອນປັດຈຸບັນບໍ່ຄ່ອຍເຫັນໝູປ່າໃນບໍລິເວນນັ້ນ ເຮັດໃຫ້ອາຫານງູຫາຍາກກວ່າເກົ່າ ງູຈຶ່ງໄດ້ມາໂຈມຕີຄົນ ທາງດ້ານເຈົ້າໜ້າທີ່ໄດ້ແນະນຳຊາວບ້ານຢ່າເດີນທາງຄົນດຽວ ແລະ ພົກພາອາວຸດຂອງມີຄົມເພື່ອໄວ້ປ້ອງກັນບໍ່ໃຫ້ເກີດເຫດການແບບນີ້ອີກ.