ອີງຕາມສຳນັກຂ່າວຊິນຫົວລາຍງານໃນວັນທີ 27 ມິຖຸນາ 2024 ຜ່ານມານີ້, ທີມງານຂໍ້ມູນຂ່າວສານຂອງສະພາບໍລິຫານແຫ່ງລັດຂອງມຽນມາໄດ້ລາຍງານການເຜົາທຳລາຍຢາເສບຕິດ ແລະ ສາເຄມີຕັ້ງຕົ້ນທີ່ຍຶດໄດ້ໃນຍ່າງກຸ້ງ ມັນດາເລ ຕອງຈີ ແລະ 20 ເມືອງລວມກັນມີທັງໝົດ 77 ປະເພດ ເນື່ອງໃນໂອກາດວັນຕໍ່ຕ້ານຢາເສບຕິດໂລກ ໃນວັນທີ 26 ມິຖຸນາ 2024 ຂອງທຸກປີ.

ຕາມການລາຍງານລະບຸວ່າ: ຢາເສບຕິດທີ່ຖືກເຜົາທຳລາຍປະກອບມີ: ຝິ່ນ 1,366 ກິໂລກຣາມ, ເຮໂລອິນ 2,175 ກິໂລກຣາມ, ຢາກະຕຸ້ນປະສາດ 239 ລ້ານເມັດ, ຢາໄອສ 23,393 ກິໂລກຣາມ, ກະທ້ອມຜົງ 1,775 ກິໂລກຣາມ, ກັນຊາ 1,257 ກິໂລກຣາມ, ຢາເຄ 4,165 ກິໂລກຣາມ ແລະ ຝິ່ນຜົງ 12 ກິໂລກຣາມ.

ທ່ານພົນເອກ ມິນອ່ອງລາຍ ປະທານສະພາ ກ່າວວ່າ: ມຽນມາກຳລັງປະເຊີນຄວາມທ້າທາຍກ່ຽວກັບການປູກຝິ່ນ ການຜະລິດຢາເສບຕິດ ແລະ ການໃຊ້ຢາເສບຕິດ ຈຶ່ງມີການຈັດຕັ້ງຄະນະກຳມະການກາງເພື່ອຄວບຄຸມການໃຊ້ຢາເສບຕິດຂຶ້ນມາແກ້ໄຂບັນຫາ ແລະ ມຽນມາຍັງເຂົ້າຮ່ວມກິດຈະກຳຕໍ່ຕ້ານຢາເສບຕິດກັບປະເທດເພື່ອບ້ານນຳອີກ.