ກອງປະຊຸມໃຫ່ຍສະມາຊິກພັກ ຂອງໜ່ວຍພັກຫ້ອງການພະລັງານ ແລະ ບໍ່ແຮ່ເມືອງໝື່ນ ຄັ້ງທີ I ໄດ້ໄຂຂື້ນ ໃນວັນທີ 25 ມີຖຸນາທີ່ຜ່ານມາ, ພາຍໃຕ້ການເປັນປະທານ ຂອງສະຫາຍ ສຸພິດ ອິນທະໂພທອງ ກຳມະການພັກເມືອງ ເລຂາໜ່ວຍພັກຫ້ອງການພະລັງານ ແລະ ບໍ່ແຮ່ເມືອງ, ສະຫາຍ ພອນເທີດ ສຸຫວັດດີ ກຳມະການພັກແຂວງ ເລຂາພັກເມືອງ ເຈົ້າເມືອງໆໝື່ນ , ສະຫາຍ ບຸນເຕັງ ສໍວິໄລວົງ ກຳມະການພັກເມືອງ ຫົວໜ້າຄະນະຈັດຕັ້ງເມືອງ, ມີບັນດາຄະນະພັກຮາກຖານ, ເລຂາ, ຮອງເລຂາໜ່ວຍພັກ, ສະມາຊິກພັກ ແລະ ແຂກຖຶກເຊີນອ້ອມຂ້າງເຂົ້າຮ່ວມ.
ທ່ານ ກີ່ ພອນສະຫວັນ ຮອງຫົວໜ້າຫ້ອງການພະລັງງານ ແລະ ບໍ່ແຮ່ ໄດ້ຜ່ານບົດສະຫຼຸບແຜນພັດທະນາວຽກພະລັງງານ ແລະ ບໍ່ແຮ່ ຂອງເມືອງໝື່ນ 5 ປີ ເຊິ່ງໃຫ້ຮູ້ວ່າ: ໃນໄລຍະ 5 ປີຜ່ານນີ້, ສາມາດຂຸດຄົ້ນ-ປຸງແຕ່ງແຮ່ທາດໄດ້ທັງໝົດ 433,418,4 ໂຕນ, ເປັນເງີນ 106,495,850,000 ກີບ, ສາມາດປະຕິບັດໄດ້ເກີນແຜນ 134,91% ແລະ ຈຳໜ່າຍໄດ້ 318,460,6 ໂຕນ, ເປັນເງີນ 157,235,675,000 ກີບ, ສາມາດປະຕິບັດໄດ້ເກີນແຜນ 72,60%, ຄາດວ່າອີກ 5 ປີຕໍ່ໜ້າໃຫ້ສາມາດຜະລິດ ແລະ ຈຳໜ່າຍແຮ່ທາດໃຫ້ໄດ້ທັງໝົດ 254,000 ໂຕນ, ເປັນເງີນ 118,200,000,000 ກີບ.
ຂ່າວ: ຂ່າວສານເມືອງໝື່ນ