spot_img
Homeຂ່າວເຫດການໜຸ່ມລາວຄິດສັ້ນ! ນ້ອຍໃຈແຟນໂດດຕຶກສູງ 12 ຊັ້ນເສຍຊີວິດທີ່ປະເທດໄທ

ໜຸ່ມລາວຄິດສັ້ນ! ນ້ອຍໃຈແຟນໂດດຕຶກສູງ 12 ຊັ້ນເສຍຊີວິດທີ່ປະເທດໄທ

Published on

ອີງຕາມສຳນັກຂ່າວຊ່ອງ 7 ປະເທດໄທລາຍງານໃນວັນທີ 25 ມິຖຸນາ 2024 ກ່ຽວກັບເຫດການສະຫຼົດເມື່ອເຈົ້າໜ້າທີ່ຕຳຫຼວດ ເມືອງພັດທະຍາໄດ້ຮັບແຈ້ງເຫດວ່າ: ມີຄົນຕົກຈາກຕຶກສູງ ເສຍຊີວິດ ຢູ່ທີ່ຄອນໂດແຫ່ງໜຶ່ງ ຢູ່ທີ່ບ້ານໜອງປື ເມືອງບາງລະມຸງ ແຂວງຊົນບູລີ ເຈົ້າໜ້າທີ່ຈຶ່ງໄດ້ທຳການອອກໄປກວດສອບໃນທີ່ເກີດເຫດ.

ຕາມການລາຍງານເບື້ອງຕົ້ນ ຜູ້ເສຍຊີວິດເປັນເພດຊາຍຊື່ວ່າ MR.KITAN ອາຍຸ 25 ປີເປັນຄົນສັນຊາດລາວ ໄດ້ຕົກລົງມາຈາກຫ້ອງພັກທີ່ຢູ່ຊັ້ນ 12 ເຊິ່ງຄອນໂດມີທັງໝົດ 16 ຊັ້ນ ໄດ້ຕົກລົງໃສ່ຕົ້ນໄມ້ກ່ອນຕົກລົງພື້ນ ຫົວຟາດກັບຂອບປູນຈົນເຮັດໃຫ້ເສຍຊີວິດ ເຊິ່ງຢູ່ຈຸດເກີດເຫດມີແຟນໜຸ່ມ ແລະ ໝູ່ເພື່ອນ ພ້ອມຜູ້ອາໄສບໍລິເວນໃກ້ຄຽງຈຳນວນຫຼາຍທີ່ໄດ້ອອກມາເບິ່ງເຫດການ.

ຈາກການສອບຖາມຜູ້ເຫັນເຫດການເລົ່າວ່າ: ກ່ອນເກີດເຫດໄດ້ຍິນສຽງຄົນໄຫ້ ກ່ອນຍ່າງອອກມາເບິ່ງແລ້ວພົບວ່າມີຄົນນັ່ງເອົາຂາຫ້ອຍຢູ່ເທິງລະບຽງຊັ້ນທີ 12 ເຊິ່ງຢ້ານເກີດເຫດການບໍ່ຄາດຄິດຈຶ່ງໄດ້ໂທແຈ້ງເຈົ້າໜ້າຮັກສາຄວາມປອດໄພມາກວດສອບ ແຕ່ບໍ່ພໍເທົ່າໃດຮ່າງຂອງຜູ້ນັ່ງຂາຫ້ອຍກໍຕົກລົງມາທີ່ພຶ້ນ.

ທາງດ້ານແຟນໜຸ່ມຂອງຜູ້ເສຍຊີວິດໄດ້ເລົ່າວ່າ: ກ່ອນເກີດເຫດໄດ້ໄປທ່ຽວສະຖານບັນເທິງໃນພື້ນທີ່ເມືອງພັດທະຍາ ແຕ່ແຟນຂໍເມືອກ່ອນ ເພາະມີການຜິດຖຽງກັນ ຜູ້ຕາຍມີອາການນ້ອຍໃຈ ບວກກັບບໍ່ໄດ້ຮັບສາຍໂທລະສັບ ຈົນໄດ້ມີພະນັກງານຮັກສາຄວາມປອດໄພໂທໄປຫາແຟນຜູ້ເສຍຊີວິດ ແຕ່ພໍກັບມາຮອດກໍບໍ່ທັນແລ້ວ, ທາງດ້ານແຟນໜຸ່ມໄດ້ເລົ່າຕໍ່ອີກວ່າກ່ອນໜ້ານີ່ມີຜິດຖຽງກັນຕະຫຼອດແຕ່ບໍ່ຄາດຄິດວ່າຈະຕັດສິນໃຈແບບນີ້.

ບົດຄວາມຫຼ້າສຸດ

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...