ສຳນັກຂ່າວຕ່າງປະເທດ ໃຫ້ຮູ້ວ່າ: ເວລາປະມານ 10:30 ຂອງວັນທີ 24 ມິຖຸນາທີ່ຜ່ານມາ, ເກີດເຫດໄຟໄໝ້ໂຮງງານຜະລິດແບັດໂຕລີ (ເປັນຂອງບໍລີສັດ Aricell) ໃນເມືອງຮວາຊອງ (Hwaseong), ປະເທດເກົາຫຼີໃຕ້, ເຮັດໃຫ້ມີຜູ້ໄດ້ຮັບບາດເຈັບ ແລະ ເສຍຊີວິດ 22 ຄົນ, ເຊິ່ງໜຶ່ງໃນຜູ້ເສຍຊີວິດ ແມ່ນເປັນຄົນລາວ 1 ຄົນ.
ອີງຕາມການໃຫ້ຂໍ້ມູນຂອງທ່ານ ບຸນທ່ຽງ ລັດຕະນະວົງ, ປະທານສະມາຄົມທຸລະກິດຈັດຫາງານລາວ ໄດ້ໃຫ້ຂໍ້ມູນເບື້ອງຕົ້ນ ຢ່າງບໍ່ເປັນທາງການກ່ຽວກັບຜູ້ເສຍຊີວິດວ່າ: ເປັນເພດຍິງ, ຊື່ ນາງ ຈ່ອຍ ເປັນແຮງງານ Visa F6 ແມ່ນວີຊ່າທີ່ອອກໃຫ້ຄົນທີ່ມາແຕ່ງງານກັບຄົນເກົາຫຼີ (ບໍ່ແມ່ນແຮງງານທີ່ກະຊວງແຮງງານສົ່ງມາ).
ເຊິ່ງປັດຈຸບັນນີ້, ເຈົ້າໜ້າທີ່ຈຶ່ງສາມາດຄວບຄຸມເພີງໄດ້ສຳເລັດແລ້ວ, ຕໍ່ກັບເຫດການທີ່ເກີດຂຶ້ນເຈົ້າໜ້າທີ່ກຳລັງທຳການສືບສວນສອບສວນຫາສາເຫດ ທີ່ເຮັດໃຫ້ເກີດເພິງໄໝ້ດັ່ງກ່າວຂຶ້ນ.
ຂ່າວ: Reuters