ສຳນັກຂ່າວເອເອັບພີ ລາຍງານໃນວັນທີ 19 ມິຖຸນາ 2024 ນີ້ວ່າ: ຍອດຜູ້ເສຍຊີວິດໃນລະຫວ່າງປະກອບ ພິທີຫັດ ໃນນະຄອນມັກກະ ປະເທດສາອຸດິອາຣັບບີ ໃນລະຫວ່າງວັນທີ 15-19 ມິຖຸນາ 2024 ເພີ່ມຂຶ້ນຢ່າງນ້ອຍເປັນ 922 ຄົນ ເນື່ອງຈາກສະພາບອາກາດຮ້ອນເອົ້າສູງເຖິງ 51.8 ອົງສາ ຂະນະທີ່ຄອບຄົວ ແລະ ຍາດພີ່ນ້ອງຂອງຜູ້ສະແຫວງບຸນຫຼາຍຄົນກຳລັງຕາມຫາຄົນຮັກຂອງຕົນທີ່ສູນຫາຍໄປບໍ່ສາມາດຕິດຕໍ່ໄດ້ຫຼັງຈາກຮ່ວມພິທີ.
ຕາມການລາຍງານ ປີນີ້ມີຜູ້ສະແຫວງບຸນຈາກທົ່ວໂລກເຂົ້າຮ່ວມພິທີຫັດ ປະມານ 1.8 ລ້ານ ຄົນໂດຍພິທີກຳດັ່ງກ່າວໄດ້ຈັດເປັນເວລາຫຼາຍມື້ ແລະ ຈັດຢູ່ກາງແຈ້ງ ໂດຍສ່ວນໃຫຍ່ຜູ້ເສຍຊີວິດເນື່ອງຈາກອາກາດທີ່ຮ້ອນເອົ້າ ແລະ ຜູ້ສະແຫວງບຸນຫຼາຍຄົນຢູ່ໃນໄວສູງອາຍຸ.
ນອກຈາກນີ້ເຈົ້າໜ້າທີ່ຂອງທາງການອີຍິບໃນຊາອຸດິອາຣັບບີ ໄດ້ຮັບລາຍງານຜູ້ສະແຫວງບຸນຫາຍສາບສູນກວ່າ 1,400 ສະບັບ ແຕ່ນອກຈາກອີຍິບແລ້ວ ຍັງມີລາຍງານການເສຍຊີວິດຂອງຜູ້ສະແຫວງບຸນ ຈາກຈໍແດນ, ອິນໂດເນເຊຍ, ອີຣ່ານ, ເຊເນກັນ, ຕູນີເຊຍ ແລະ ເຄີດິສະຖານ.