ສຳນັກຂ່າວສານຕ່າງປະເທດ World Forum ລາຍງານໃນວັນທີ 16 ມິຖຸນາ 2024 ຜ່ານມາ, ກ່ຽວກັບເຫດການທີ່ຕຳຫຼວດບຸກຈັບພໍ່ຕູ້ອາຍຸ 72 ປີ (ເຈົ້າບ່າວ) ກຳລັງຈັດພິທີແຕ່ງງານກັບເດັກນ້ອຍອາຍຸ 12 ປີ (ເຈົ້າສາວ) ທີ່ຍັງບໍ່ບັນລຸນິຕິພາວະ ຕຳຫຼວດສາມາດຊ່ວຍໄວ້ໄດ້ທັນເມື່ອວັນທີ 15 ມິຖຸນາ 2024 ຜ່ານມາ, ທີ່ເມືອງເປຊາວາ ແຂວງໄຄເບີປັກຕຸນຄວາ ປາກີສະຖານ.
ຕາມການລາຍງານເົຈ້ານ້າທີ່ຕຳຫຼວດເຂົ້າຈັບກຸມຊາຍອາຍຸ 72 ກ່ອນພິທີທາງສາສະໜາຈະເລີ່ມຂຶ້ນກັບເດັກນ້ອຍຜູ້ຍິງອາຍຸ 12 ປີ ຈາກຂໍ້ມູນພໍ່ຂອງເດັກນ້ອຍຜູ້ຍິງ ຂາຍນາງໃນລາຄາ 500,000 ຮູປີປາກີສະຖານ ຫຼື ປະມານ 45 ລ້ານກີບ ໂດຍຂາຍໃຫ້ພໍ່ຕູ້ອາຍຸ 72 ປີ ເຊິ່ງທາງດ້ານພໍ່ຂອງເດັກຍິງສາມາດເອົາຕົວຫຼົບໜີໄດ້ທັນ.
ສຳລັບປາກີສະຖານມີອັດຕາການແຕ່ງງານກັບເດັກນ້ອຍສູງທີ່ສຸດແຫ່ງນຶ່ງໃນໂລກໂດຍປະມານຮ້ອຍລະ 30 ຂອງເດັກຜູ້ຍິງທີ່ແຕ່ງງານກ່ອນອາຍຸ 18 ປີຈາກຂໍ້ມູນຍູນິເຊັບ ເດັກຜູ້ຍິງໃນປາກີສະຖານຈຳນວນ 18.9 ລ້ານຄົນແຕ່ງງານກ່ອນອາຍຸ 18 ປີ ແລະ 4,6 ລ້ານຄົນແຕ່ງງານກ່ອນອາຍຸ 16 ປີ ເຊິ່ງຫຼາຍປະເທດກຳລັງຫຼຸດຜ່ອນໃຫ້ຍົກເລີກການແຕ່ງງານກັບເດັກນ້ອຍ ສາເຫດຈາຫເຈົ້າສາວຫຼາຍຄົນເສຍຊີວິດຈາກຄວາມຮູ້ເລື່ອງເພດບໍ່ພຽງພໍ ແລະ ປັນຫາຄວາມອົດຢາກ.