ການດຳເນີນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ໃນວັນທີ 10 ມິຖຸນາທີ່ຜ່ານມາ, ທ່ານ ໄຊຍະເດດ ຜຸຍຍະວົງ ສສຊ ປະຈຳເຂດເລືອກຕັ້ງທີ 13 ແຂວງສະຫວັນນະເຂດ ສະເໜີໃຫ້ລັດຖະບານ ຈັດແບ່ງໂກຕາພະນັກງານ-ລັດຖະກອນ ໃຫ້ມີຄວາມຊັດເຈນຂຶ້ນຕື່ມ ອາດຈະ 30-70% ຫລື 40-60% ແນໃສ່ ປຸກລະດົມຈິດໃຈ ນັກຮຽນ-ນັກສຶກສາ ໃຫ້ຕັ້ງໃຈຮໍ່າຮຽນ ແນໃສ່ປະກອບສ່ວນໃນການການຮັບໃຊ້ຊາດ-ຮັບໃຊ້ສັງຄົມ.
ພ້ອມກັນນີ້, ທ່ານຍັງ ສະເໜີໃຫ້ພາກສ່ວນທີ່ກ່ຽວຂ້ອງ ປິດຮ້ານອິນເຕີເນັດ, ເພາະປັດຈຸບັນ ພື້ນທີ່ການປົກຫຸ້ມຂອງອິນເຕີເນັດ ໃນປະເທດຂອງພວກເຮົາສູງເຖິງ 97%, ສ່ວນການດຳເນີນທຸລະກິດດ້ານນີ້ ເນື້ອແທ້ແມ່ນເປັນພຽງການແອບແຝງເປີດຄາຊີໂນອອນລາຍ ທີ່ເຮັດໃຫ້ມີປະກົດການຫຍໍ້ທໍ້, ຂີ້ລັກງັດແງະໃນສັງຄົມ, ສະເໜີກະຊວງ ປກສ ປະສານສົມທົບ ກັບກະຊວງເຕັກໂນໂລຊີ ແລະ ການສື່ສານ ດຳເນີນການປິດທຸລະກິດດັ່ງກ່າວ.
ຂ່າວ: ປະເທດລາວ