ສຳນັກຂ່າວຕ່າງປະເທດລາຍງານວ່າ: ຫຼັງຈາກທີ່ໄດ້ມີການເປີດຜົນຄະແນນຫຼັງການເລືອກຕັ້ງປະທານນາທິບໍດີຄົນໃໝ່ຂອງປະເທດແມັກຊີໂກເມື່ອວັນທີ 2 ມິຖຸນາທີ່ຜ່ານມາ, ຜົນປາກົດອອກມາວ່າ: ປະທານນາທິບໍດີຄົນໃໝ່ແມ່ນ ທ່ານນາງ ເຄລາເດຍ ເຊນບາມ, ອາຍຸ 61 ປີ, ອະດີດເຈົ້າເມືອງແມັກຊີໂກຊິຕີ້, ແລະ ເປັນນັກວິທະຍາສາດດ້ານສະພາບອາກາດ, ຜູ້ແທນຈາກພັກໂມເຣນາ.
ເຊິ່ງທ່ານນາງຈະຂຶ້ນຮັບຕຳແໜ່ງຕໍ່ຈາກປະທານນາທິບໍດີຜູ້ເກົ່າໃນວັນທີ 1 ຕຸລາ 2024, ຖືໄດ້ວ່າເປັນປະຫວັດສາດໜ້າໃໝ່ຂອງປະເທດແມັກຊີໂກທີ່ໄດ້ປະທານນາທິບໍດີເປັນຜູ້ຍິງຄົນທຳອິດຂອງປະເທດ.
ຂ່າວ: BBC