ອີງຕາມການລາຍງານຂອງ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ 1623 ໃນວັນທີ 05 ມິຖຸນາ 2024 ເວລາ 01:17 ໂມງ. ໄດ້ຮັບແຈ້ງເຫດເຂົ້າເບີໂທສຸກເສີນ 1623 ວ່າມີເຫດລົດບັນທຸກຕຳທ້າຍລົດພ່ວງ ຢູ່ເສັ້ນທາງຕາດມູນ ເມືອງສີໂຄດຕະບອງ ນະຄອນຫຼວງວຽງຈັນ.

ທາງໜ່ວຍກູ້ໄພຈຶ່ງໄດ້ອອກກວດສອບເຫດພົບຜູ້ບາດເຈັບ 1 ຄົນ (ຕິດພາຍໃນລົດ). ດັ່ງນັ້ນໜ່ວຍກູ້ໄພຈຶ່ງໄດ້ໃຊ້ເຄື່ອງມືຕັດຖ່າງເພື່ອນຳຄົນເຈັບອອກມາຈາກລົດ.

ຕາມການລາຍງານເບື້ອງຕົ້ນ: ຄົນເຈັບເປັນເພດຍິງ ອາຍຸ 20 ປີ ບ້ານດຸງ ເມືອງໄຊທານີ ແຂວງນະຄອນຫຼວງວຽງຈັນ ອາການຂາຫັກທັງສອງເບື້ອງ, ຂໍ້ຕີນຊ້າຍຫັກ ມີບາດເປີດຕາມໂຕ ມີສະຕິ ດັ່ງນັ້ນ, ທາງດ້ານເຈົ້າໜ້າທີ່ຈຶ່ງໄດ້ທຳການປະຖົມພະຍາບານຂັ້ນຕົ້ນໃຫ້ຜູ້ບາດເຈັບແລ້ວນຳສົ່ງໄປທີ່ໂຮງໝໍ 150 ຕຽງ.