ສຳນັກຂ່າວ AP ລາຍງານໃນວັນທີ 4 ມິຖຸນາ 2024, ແພດຟອມອອນລາຍຍອດນິຍົມຢ່າງ X ຫຼື ທະວິດເຕີ (ຊື່ເກົ່າ) ໄດ້ອັບເດດກົດລະບຽບໃໝ່ ໂດຍອານຸຍາດໃຫ້ບັນຊີສາມາດໂພສ ຮູບ-ຄລິບ ທີ່ມີເນື້ອຫາ 18+ ຫຼືຄອນເທັ້ນທີ່ມີເນື້ອຫາສຳລັບຜູ້ໃຫຍ່ ໄດ້ແລ້ວຢ່າງເປັນທາງການ ແຕ່ມີຂໍ້ຫ້າມໃນການໂພສໃນພື້ນທີ່ທີ່ເຫັນໄດ້ຢ່າງຊັດເຈນເຊັ່ນ: ບໍ່ອະນຸຍາດໃຫ້ໃຊ້ເປັນຮູບໂປຟາຍ ຫຼື ພາບແບນເນີ.
ສຳລັບ X ຖືວ່າເປັນແພດຟອມທຳອິດທີ່ອະນຸຍາດໃຫ້ໂພສເນື້ອຫາດັ່ງກ່າວແຕ່ Facebook, Instagram, Youtube, TikTok ແລະ ອີກຫຼາຍແພດຟອມຍັງບໍ່ອະນຸຍາດໃຫ້ໂພສເນື້ອຫາດັ່ງກ່າວ, ໂດຍເນື້ອຫາຈະຕ້ອງເປັນການສະມັກໃຈ ທັງໃນເລື່ອງການລົງພາບ. ລົງຄລິບ ຫຼື ຂໍ້ຄວາມຈະຕ້ອງເປັນເນື້ອຫາທີ່ບໍ່ຜິດລິຂະສິດ ແລະ ເປັນເນື້ອຫາທີ່ຍິນຍອມ ພາບຈາກ AI, ກາຕູນ, Anime ຕ່າງໆ ກໍສາມາດລົງໄດ້ເຊັ້ນກັນ.
ນອກຈາກນີ້ຍັງມີເງື່ອນໄຂຂອງການໂພສເນື້ອຫາດັ່ງກ່າວໃຫ້ຢູ່ພາຍໃຕ້ກົດໝາຍ ກົດໝາຍສາກົນເຊັ່ນ: ການຂົ່ມຂືນ, ພາບເປືອຍເດັກນ້ອຍ, ພາບທີ່ມີການໃຊ້ສານເສບຕິດ ຍັງເປັນສິ່ງຕ້ອງຫ້າມ.