ສຳນັກຂ່າວຕ່າງປະເທດ ລາຍງານວ່າ: ໃນວັນທີ 29 ພຶດສະພາທີ່ຜ່ານມາ, ສຳນັກງານສອບສວນຄວາມປອດໄພດ້ານຂົນສົ່ງຂອງສິງກະໂປ ໄດ້ລາຍງານຜົນການສອບສວນເບື້ອງຕົ້ນ ກໍລະນີສາຍການບິນສິງກະໂປແອລາຍ ຖ້ຽວບິນ SQ321 ລອນດອນ-ສິງກະໂປ ຕົກຂຸມອາກາດຢ່າງຮຸນແຮງ, ທີ່ບໍລິເວນເທິງນ່ານຟ້າຂອງປະເທດມຽນມາ ເມື່ອວັນທີ 21 ພຶດສະພາທີ່ຜ່ານມາ, ເຮັດໃຫ້ມີຜູ້ເສຍຊີວິດ 1 ຄົນ ແລະ ບາດເຈັບອີກ 100 ກວ່າຄົນ.
ການລາຍງານເບື້ອງຕົ້ນໄດ້ລະບຸວ່າ: ອີງຈາກຂໍ້ມູນຂອງກ່ອງດຳໄດ້ບັນທຶກຂໍ້ມູນການບິນ ແລະ ສຽງໃນຫ້ອງນັກບິນວ່າ: ຍົນປະສົບກັບບັນຫາແຮງໂນ້ມຖ່ວງທີ່ປ່ຽນແປງຢ່າງກະທັນຫັນ 4,6 ວິນາທີ, ເຮັດໃຫ້ຍົນຕົກວູບຈາກລະດັບເພດານການບິນຈາກ 37,36 ຟຸດ ລົງມາຢູ່ທີ່ 37,184 ຟຸດ, ການປ່ຽນແປງຢ່າງກະທັນຫັນເຮັດໃຫ້ຜູ້ໂດຍສານທີ່ບໍ່ໄດ້ຄາດເຂັມຂັດໄດ້ຮັບບາດເຈັບ.
ຍົນລຳນີ້ໄດ້ປະເຊີນກັບສະພາບອາກາດແປປວນເປັນເວລາ 17 ນາທີ, ແຕ່ນັກບິນ, ພ້ອມດ້ວຍເຈົ້າໜ້າທີ່ກ່ຽວຂ້ອງໄດ້ທຳການຄວບຄຸມຍົນ ແລະ ປ່ຽນເສັ້ນທາງບິນສຸກເສີນມາລົງຈອດທີ່ບາງກອກ, ປະເທດໄທ. ເຖິງຢ່າງໃດກໍຕາມ, ທາງສຳນັກງານສອບສວນຄວາມປອດໄພດ້ານການຂົນສົ່ງຂອງສິງກະໂປຍັງຈະສືບຕໍ່ສອບສວນເຫດການນີ້ຕໍ່ໄປ.
ຂ່າວ: BBC