ວັນທີ 30 ພຶດສະພາ 2024 ສຳນັກຂ່າວເອເອັບພີລາຍງາຍ, ສຳນັກງານອຸຕຸນຸຍົມວິທະຍາອິນເດຍ (IMD) ຍົກລະດັບການເຕືອນໄພ ສະພາບອາກາດຮ້ອນເອົ້າ ເປັນລະດັບສີແດງໃນພື້ນທີ່ເດລາເຊິ່ງມີປະຊາກອນກວ່າ 30 ລ້ານຄົນທີ່ໄດ້ຮັບຜົນກະທົບ ຫຼັງອຸນຫະພູມສູງຮອດ 52.3 ອົງສາ ສູງສຸດເປັນປະຫວັດການຂອງປະເທດ ແລະ ສູງກວ່າສະຖິຕິເກົ່າທີ່ເຄີຍວັດແທກໄດ້ 51 ອົງສາໃນ ເມືອງພາໂລດີ ເຂດທະເລຊາຍທາ ລັດຣາຊສະຖານ ທາງຕອນເໜືອຂອງອິນເດຍເມື່ອ 8 ປີທີ່ແລ້ວ.

ຖືເປັນເລື່ອງປົກກະຕິທີ່ອິນເດຍຈະປະເຊີນກັບອາກາດຮ້ອນໃນຊ່ວງລະດູຮ້ອນ ແຕ່ຜົນວິໄຈຕະຫຼອດຫຼາຍປີທີ່ຜ່ານມາພົບວ່າການປ່ຽນແປງຂອງສະພາບອາກາດມີຜົນກະະທົບທີ່ດົນນານຕະຫຼອດ ແລະ ທະວີຄວາມຮຸນແຮງຫຼາຍຂຶ້ນ.

ສຳນັກງານອຸຕຸນິຍົມວິທະຍາໄດ້ລະບຸວ່າ: ອຸນຫະພູມສູງສຸດໄດ້ທຸບສະຖິຕິຂອງໂລກ ວັດແທນໄດ້ຈາກສະຖານີກວດສະພາບອາກາດໃນເຂດມຸງເກດປຸລະ ເຊິ່ງຢູ່ເມືອງກຸງນິວເດລີ ໃນເວລາ 15:15 ໂມງຂອງວັນທີ 29 ພຶດສະພາ 2024 ຕາມເວລາທ້ອງຖິ່ນ.