spot_img
Homeຂ່າວການຊ່ວຍເຫຼືອຂໍຂອບໃນ ອາເມລິກາ ມອບມຸ້ງ ແລະ ຢາຕ້ານພະຍາດມາລາເລຍ ໃຫ້ແກ່ສປປ ລາວ

ຂໍຂອບໃນ ອາເມລິກາ ມອບມຸ້ງ ແລະ ຢາຕ້ານພະຍາດມາລາເລຍ ໃຫ້ແກ່ສປປ ລາວ

Published on

ອົງການພັດທະນາສາກົນປະເທດສະຫະລັດອາເມລິກາ ຫຼຶ USAID ໄດ້ມອບມຸ້ງເຄືອບຢາ ຈໍານວນ 30,000 ດາງ ແລະ ຢາຕ້ານພະຍາດມາລາເລຍ 150,000 ເມັດ ລວມມູນຄ່າ 75,000 ໂດລາສະຫະລັດ ກະຊວງສາທາລະນະສຸກ.

ທ່ານ ເຄວິນ ສະມິດ, ຮັກສາການຜູ້ຕາງໜ້າອົງການ USAID, ໄດ້ມອບອຸປະກອນດັ່ງກ່າວໃຫ້ແກ່ ທ່ານ ດຣ. ພອນປະດິດ ຊ່າງໄຊຍະລາດ, ຫົວໜ້າກົມຄວບຄຸມພະຍາດຕິດຕໍ່ ເຊິ່ງພິທີມອບ-ຮັບໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນທີ 24 ມິຖຸນາ ທີ່ຜ່ານມາ. ການຊ່ວຍເຫຼືອດັ່ງກ່າວແມ່ນໄດ້ຮັບການສະໜັບສະໜູນຈາກອົງການ USAID ໂດຍຜ່ານ ໂຄງການລິເລີ່ມມາເລເລຍຂອງປະທານາທິບໍດີສະຫະລັດອາເມລິກາ ຫຼື President’s Malaria Initiative (USAID/PMI). ມຸ້ງເຫຼົ່ານີ້ຈະໄດ້ຖືກແຈກຢາຍໃຫ້ແກ່ປະຊາຊົນໃນເຂດຫ່າງໃກສອກຫຼີກ, ໂດຍສະເພາະແມ່ນບ່ອນທີ່ຍັງພົບຜູ້ຕິດເຊື້ອມາເລເລຍສູງ. ຢາຕ້ານມະລາເລຍແມ່ນຈະຖືກແຈກຢາກໄປຕາມໂຮງໝໍຕ່າງໆ.

ໂດຍການສະໜັບສະໜູນຈາກ ສ. ອາເມລິກາ, ອຸປະກອນເຫຼົ່ານີ້ຈະປະກອບສ່ວນໃຫ້ແກ່ໂຄງການຂອງກະຊວງສາທານະສຸກ ເພື່ອຮັບມືກັບພະຍາດມາລາເລຍ ແລະ ເພື່ອການລົບລ້າງການແຜ່ລະບາດຂອງພະຍາດມາລາເລຍພາຍໃນປີ 2030.
ທ່ານ ດຣ. ເຄວິນ ກ່າວວ່າ: ການສະໜັບສະໜູນທາງດ້ານສາທາລະນະສຸກຂອງພວກເຮົາແມ່ນສ່ວນສຳຄັນພາຍໃຕ້ກອບການຮ່ວມມືແບບກວມລວມລະຫວ່າງ ສ. ອາເມລິກາ ແລະ ສປປ ລາວ. ສ. ອາເມລິກາ ຮູ້ສຶກພູມໃຈທີ່ໄດ້ສືບຕໍ່ຮ່ວມມືກັບລັດຖະບານສປປລາວ ແລະ ຄູ່ຮ່ວມມືວຽກງານສາທະລະນະສຸກ ໂດຍການປະກອບສ່ວນອຸປະກອນຮັກສາຊີວິດ ເພື່ອລົບລ້າງການແຜ່ລະບາດຂອງມາລາເລຍພາບໃນປີ 2030.

ພິທີມອບຮັບໃນຄັ້ງນີ້ ແມ່ນພຽງນຶ່ງໃນບັນດາຕົວຢ່າງການຊ່ວຍເຫຼືອລ້າຂອງສະຫະລັດອາເມລິກາໃຫ້ແກ່ລັດຖະບານລາວ ໃນການ ຮັບມືກັບບັນດາພະຍາດມາລາເລຍ. ໃນໄລຍະ 12ປີ ທີ່ຜ່ານ ອົງການ USAID ໃຫ້ການຊ່ວຍເຫຼືອທາງວິຊາການ, ອຸປະກອນການແພດ ແລະ ໄດ້ມອບມຸ້ງເຄືອບຢາ ທັງໝົດ ຫຼາຍກ່ວາ 1,000,000 ດາງ, ຊຸດບົ່ງມະຕິພະຍາດຂັ້ນພື້ນຖານ ເກືອບ 1ລ້ານ ຊຸດ ແລະ ຢາຕ້ານມາເລເລຍ ລວມມູນຄ່າທັງໝົດ ປະມານ 5.4 ລ້ານໂດລາສະຫະລັດ.

ການສະໜັບສະໜູນວຽກງານພັດທະນາຂອງອົງການ USAID ໄດ້ຈັດຕັ້ງປະຕິບັດມາເປັນເວລາຫຼາຍກ່ວາ 1 ທົດສະວັດ. ການບໍລິຈາກແມ່ນນຶ່ງໃນເປົ້າໝາຍຂອງອົງການ USAID ໃນການປັບປຸງຂົງເຂດສາທາລະນະສຸກ ແລະ ຊີວິດການເປັນຢູ່ຂອງປະຊາຊົນລາວ. ນອກຈາກນີ້, ອົງການ USAID ຍັງໄດ້ຮ່ວມມືກັບສປປລາວໃນການຮັບມືກັບພະຍາດລະບາດ, ປັບປຸງວຽກງານແມ່ ແລະ ເດັກ ແລະ ໂພຊະນາການ ລວມໄປເຖິງການສະໜັບສະໜູນໃຫ້ແກ່ຜູ້ທີ່ມີຄວາມພິການສາມາດດຳລົງຊີວິດເຕັມສັກກະຍະພາບ.

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...