ຂົນນົກທີ່ສູນພັນຂອງນິວຊີແລນ ທຳລາຍສະຖິຕິລາຄາທີ່ແພງທີ່ສຸດໃນໂລກ

0
265

ສຳນັກຂ່າວຕ່າງປະເທດລາຍງານໃນວັນທີ 22 ພຶດສະພາ 2024 ຜ່ານມາ, ຂົນນົກ huia ທີ່ສູນພັນແລ້ວຂອງປະເທດນິວຊີແລນ ທຳລາຍສະຖິຕິລາຄາທີ່ແພງທີ່ສຸດໃນໂລກ ເຊິ່ງພົບສະເພາະໃນນິວຊີແລນທີ່ສູນພັນໄປແລ້ວ ຈາກການປະມູນຂາຍໄປໄດ້ໃນລາຄາສູງເຖິງ 28,417 ໂດລາ ຫຼື ປະມານ 625 ລ້ານກີບ, ເຊິ່ງຖືວ່າເປັນການທຳລາຍສະຖິຕິກ່ອນໜ້ານີ້ 450% ຂອງນົກສາຍພັນດຽວກັນທີ່ເຄີຍເຮັດໄດ້.

ຂໍ້ມູນຈາກພິພິຕະພັນນິວຊີແລນໄດ້ລະບຸວ່າ:​ ນົກ huia ເປັນສິ່ງສັກສິດສຳລັບຊາວເມົາຮີ ໂດຍຫົວໜ້າເຜົ່າ ແລະ ຄອບຄົວຈະສວມໃສຂົນນົກດັ່ງກ່າວຕາມທຳນຽມ ຢ່າງໃດກໍຕາມເຖິງແມ່ນວ່າຈະພົບເຫັນນົກຊະນິດນີ້ຄັ້ງສຸດທ້າຍໃນປີ 1907 ແຕ່ກໍມີລາຍງາຍການພົບເຫັນທີ່ບໍ່ໄດ້ຮັບການຢືນຢັນອີກຫຼາຍທົດສະວັດຫຼັງຈາກນັ້ນ.

ຂົນນົກນີ້ໄດ້ຮັບການຂຶ້ນທະບຽນເປັນ Taonga tuturu ພາຍໃຕ້ລະບົບປົກປ້ອງສົມບັດທາງວັດທະນະທຳຂອງຊາວເມົາຮີ ການຂາຍຂົນນົກຈຶ່ງຈຳກັດໄວ້ສຳລັບນັກສະສົມທີ່ມີໃບອະນຸຍາດພາຍໃຕ້ລະບົບນີ້ເທົ່ານັ້ນ ແລະ ບໍ່ສາມາດນຳອອກຈາກປະເທດນິວຊີແລນໄດ້ຖ້າຫາກບໍ່ໄດ້ຮັບອະນຸຍາດຈາກກະຊວງ ວັດທະນະທຳ ແລະ ມໍລະດົກ ນອກຈາກນີ້ຄວາມສົນໃຈໃນຂົນນົກທີ່ມີສູງຫຼາຍຂອງຊາວນິວຊີແລນ ໄດ້ເຮັດໃຫ້ລາຄາກໍສູງຂຶ້ນໄປດ້ວຍ.

ທີ່ມາ: ມະຕິຊົນອອນລາຍ