ວິທະຍຸ ກະຈາຍສຽງ ແຫ່ງຊາດ ຫວຽດນາມ, ໃນວັນທີ 20 ພຶດສະພາທີ່ຜ່ານມາ, ໃນກອງປະຊຸມ ສະພາແຫ່ງຊາດ ຫວຽດນາມ ຊຸດທີ XV, ບັນດາ ສສຊ ໄດ້ລົງຄະແນນສຽງ ຮັບຮອງ ເອົາ ທ່ານ ເຈິ່ນແທັງເໝີນ ເປັນປະທານສະພາແຫ່ງຊາດຫວຽດນາມຄົນໃໝ່ ຊຸດທີ XV ອາຍຸການ 2021 – 2026, ໂດຍໄດ້ຮັບຄະແນນສຽງ 475 ສຽງ.
ຈາກນັ້ນ, ທ່ານ ເຈິ່ນແທັງເໝີນ ໄດ້ສາບານຕົນວ່າ: “ໃຕ້ທຸງຊາດ ທີ່ສັກສັກກະຫລະບູຊາ ຂອງປະເທດຊາດ, ຕໍ່ໜ້າສະພາແຫ່ງຊາດ ແລະ ພໍ່ແມ່ພີ່ນ້ອງ ຜູ້ມີສິດເລືອກຕັ້ງ ໃນທົ່ວປະເທດ, ຂ້າພະເຈົ້າ – ປະທານ ສະພາແຫ່ງຊາດ ສສ ຫວຽດນາມ – ຂໍປະຕິຍານຕົວວ່າ: ຈົ່ງຮັກພັກດີຕໍ່ ປະເທດຊາດ, ຕໍ່ປະຊາຊົນ, ຕໍ່ລັດຖະທຳ ມະນູນຂອງ ສສ ຫວຽດນາມ, ມານະພະຍາຍາມ, ສູ້ຊົນປະຕິບັດ ສຳເລັດ ໜ້າທີ່ເຊິ່ງ ພັກ, ລັດ ແລະ ປະຊາຊົນ ມອບໝາຍໃຫ້ ເປັນຢ່າງດີ”
ຂ່າວ: ຂປລ