ສຳນັກຂ່າວຕ່າງປະເທດລາຍງານວ່າ: ເວລາປະມານ 9 ໂມງແລງຂອງວັນທີ 19 ພຶດສະພາ ທີ່ຜ່ານມາ, ເກີດເຫດຍົນເຮລີຄອບເຕີຂອງປະທານນາທິບໍດີ ອີຣ່ານ ຕົກລົງທ່າມກາງປ່າ ແລະ ຫຸບເຂົາ, ເຊິ່ງຍົນລຳດັ່ງກ່າວປະສົບອຸບັດຕິເຫດໃນລະຫວ່າງການເດີນທາງຈາກຊາຍແດນອາເຊີບາຍຈານ ມຸ່ງໜ້າໄປຍັງເມືອງຕາບິຊ (Tabriz) ທາງຕາເວັນຕົກສ່ຽງເໜືອ.
ປັດຈຸບັນ, ເຈົ້າໜ້າທີ່ກູ້ໄພກຳລັງພະຍາມເຂົ້າຄົ້ນຫາໃນຈຸດເກີດເຫດ, ແຕ່ຂ້ອນຂ້າງມີອຸປະສັກທາງດ້ານສະພາບອາກາດຝົນຕົກໜັກ ແລະ ໝອກໜາ, ວິໄສທັດໃນການເບິ່ງເຫັນໄດ້ໃນໄລຍະ 5 ແມັດເທົ່ານັ້ນ. ປະຊາຊົນຊາວອີຣ່ານຕ່າງກໍຮ່ວມກັນສວດມົນພາວະນາໃຫ້ປະທານນາທິບໍດີປອດໄພ.
ຂ່າວ: BBC