spot_img
Home​ຂ່າວບັນເທິງນັກຮ້ອງຄົນລາວ just" ເປັນສິລະປິນຄ້າຍ Smallroom

ນັກຮ້ອງຄົນລາວ just” ເປັນສິລະປິນຄ້າຍ Smallroom

Published on

ເມື່ອບໍ່ດົນມານີ້, ທາງຄ້າຍເພງ Smallroom ປະເທດໄທ ກໍໄດ້ເປີດໂຕສິລະປິນນ້ອງໃໝ່ແກະກ່ອງໃຫ້ແຟນໆໄດ້ຮູ້ຈັກນັ້ນກໍຄື: ໜຸ່ມຈັສ (just”) – ພອນປະເສີດ ຫຼວງລາດ, ເຈົ້າຂອງເພງດັງທີ່ຫຼາຍຄົນຮູ້ຈັກດີບໍ່ວ່າຈະເປັນ Glitter Butterfly, Hate Myself, ຢ່າໄປຫວັງເລີຍ ແລະ ເພງຫຼ້າສຸດ ທີ່ມີທຳນອງ ແລະ ທ່ອນຮຸກທີ່ຕິດຫູຢ່າງ Radio ນັ້ນເອງ. ບອກໄດ້ເລີຍວ່າ ແຟນໆຕ່າງກໍຕ້ອງພູມໃຈກັບໜຸ່ມຄົນນີ້ແນ່ນອນ, ເພາະເພິ່ນມີຄວາມສາມາດທີ່ຫຼາກຫຼາຍໃນການເຮັດຜົນງານເພງອອກມາ ແລະ ມາຖ້າຕິດຕາມໄປນຳກັນວ່າ ຜົນງານໃໝ່ກັບທາງຄ້າຍ Smallroom ຈະພິເສດຊໍ່າໃດຕ້ອງຖ້າລຸ້ນໄປນຳກັນເລີຍເດີ້.

ເສັ້ນທາງການກ້າວເຂົ້າສູ່ວົງການເພງຂອງໜຸ່ມຄົນນີ້ແມ່ນເລີ່ມຕົ້ນຂຶ້ນຕອນລາວກຳລັງສຶກສາຢູ່ ສປ ຈີນ, ເຊິ່ງມີຄວາມຮູ້ສຶກວ່າຕົນເອງກຳລັງປະສົບກັບຄວາມເມື່ອຍລ້າ ແລະ ກົດດັນຈາກການຮຽນຫຼາຍ, ຈຶ່ງໃຊ້ເວລາວ່າງໃນການຫາກິດຈະກຳອື່ນເຮັດ, ເຊິ່ງລາວມີຄວາມສົນໃຈໃນດົນຕີປະເພດ R&B Indie, Jazz, Neo Soul , ແຕ່ເພງປະເພດນີ້ບໍ່ຄ່ອຍມີໃນປະເທດລາວເລີຍ, ດັ່ງນັ້ນ, ຈຶ່ງເຮັດໃຫ້ມີຄວາມຄິດຢາກເຮັດເພງປະເພດນີ້ຂຶ້ນມາ, ໂດຍເລີ່ມຈາກການມີກີຕ້າ 1 ໜ່ວຍ ແລະ ສຶກສາຂັ້ນຕອນຕ່າງໆດ້ວຍຕົວເອງ ຈົນສາມາດປ່ອຍອະລະບໍ້າທຳອິດຄື: “Old Man” ໃນປີ 2021 ແລະ ເດີນໜ້າຕໍ່ໃນການເຮັດເພງຈົນມີຫຼາຍໆເພງຮິດຕິດຫູອອກມາໃຫ້ແຟນໆໄດ້ຟັງ, ຈົນມາຮອດມື້ໜຶ່ງຜົນງານເພງໄດ້ໄປສະດຸດຕາເຈົ້າຂອງຄ້າຍເພງຍັກໃຫຍ່ຂອງປະເທດໄທຢ່າງ Smallroom ແລະ ໄດ້ມີໂອກາດໂອ້ລົມກັນ, ໃນທີ່ສຸດ ໜຸ່ມຈັສ ກໍໄດ້ກາຍມາເປັນສິລະປິນຄົນໃໝ່ຂອງຄ້າຍ Smallroom ພ້ອມເປີດຕົວອະລະບໍ້າໃໝ່ “Radio” ໃນວັນທີ 16 ພຶດສະພາທີ່ຜ່ານມາ.

อาจเป็นรูปภาพของ 1 คน และ ข้อความพูดว่า "JUST" สะบายดึ สวัสดีครับ สวัส គ HELLO 你好"

ຄ້າຍ Smallroom ເປັນຄ້າຍເພງຂອງໄທທີ່ກໍ່ຕັ້ງຂຶ້ນໃນປີ 1999 ແລະ ເປັນຄ້າຍທີ່ສ້າງຊື່ສຽງໃຫ້ສິລະປິນດັງຂອງໄທຫຼາຍວົງບໍ່ວ່າຈະເປັນ Tattoo Colour, The Richman Toy, Polycat…..

ສາມາດຕິດຕາມໜຸ່ມຄົນນີ້ໄດ້ທີ່:
YT: just”
FB: Ijust Wrkmyart
IG: justtm.e

ຂໍ້ມູນ: Smallroom Bangkok Pop Music Label

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...