ທ້າຍອາທິດຜ່ານມາ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ(ນວ), ພ້ອມດ້ວຍຫົວໜ້າ-ຮອງຫົວໜ້າພະແນກການ, ຫ້ອງການ, ເຈົ້າເມືອງ ແລະ ພະນັກງານຂະ ແໜງການກ່ຽວຂ້ອງໄດ້ລົງກວດກາຕິດຕາມການກໍ່ ສ້າງໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ແຕ່ຫຼັກ 3 ໂຮງຮຽນການຊ່າງລາວ-ເຢຍລະມັນ ເມືອງສີສັດຕະນາກ ຫາ ຫາດດອກແກ້ວ ເມືອງຫາດ ຊາຍຟອງມີຄວາມຍາວ 8,36 ກິໂລແມັດ.
ໂອກາດນີ້, ທ່ານ ພຸດທະເສນ ສິນທະວົງ ຮອງຫົວໜ້າພະແນກໂຍທາທິການ ແລະ ຂົນສົ່ງ ນວ ໄດ້ໃຫ້ຮູ້ວ່າ: ໂຄງການປ້ອງກັນຕາຝັ່ງ ແລະ ພັດທະນາແຄມຂອງໄລຍະທີ 2 ຢູ່ ນວ ເລີ່ມຈັດຕັ້ງປະຕິ ບັດເດືອນກຸມພາ 2022 ໂດຍປະກອບມີໜ້າວຽກລະບົບປ້ອງກັນຕາຝັ່ງກໍ່ສ້າງຄູປ້ອງກັນນໍ້າຖ້ວມ ທີ່ສາ ມາດນໍາໃຊ້ເປັນທາງລຽບຕາມແຄມຂອງ ແລະ ກໍ່ສ້າງລະບົບປ້ອງກັນຕາຝັ່ງບໍ່ໃຫ້ມີການເຊາະເຈື່ອນມີຄວາມຍາວ 8,36 ກິໂລແມັດ ຈາກຫລັກ 4 ເມືອງສີສັດຕະນາກຫາບ້ານຫາດດອກແກ້ວ ເມືອງຫາດຊາຍຟອງ ເຊິ່ງປະກອບດ້ວຍເສັ້ນທາງຍ່າງຊົມວິວ ແລະ ຊົມຕາເວັນຕົກດິນ ສວນກິລາກາງແຈ້ງ ແລະ ຈຸດທ່ອງທ່ຽວທຳມະຊາດທີ່ເຊື່ອມຈອດກັບຕົວເມືອງໄດ້.
ມາຮອດເດືອນມີນາ 2024 ສຳເລັດ 53,3% ທຽບໃສ່ແຜນການ (56,6%) ແມ່ນຊັກຊ້າ ສາເຫດຍ້ອນໂຄງການຕັ້ງຢູ່ເຂດຕົວເມືອງມີຄວາມຫຍຸ້ງຍາກ ໃນການຂົນສົ່ງວັດສະດຸກໍ່ສ້າງຈາກພາກສະໜາມເຂົ້າຫາໂຄງການທີ່ຕ້ອງໄດ້ຜ່ານເສັ້ນທາງຕົວເມືອງ ຈຳກັດໂມງເວລາການຂົນສົ່ງ ແລະ ນໍ້າໜັກ, ໂຄງການຄາດວ່າຈະໃຫ້ສຳເລັດທ້າຍປີ 2025 ເຊິ່ງໂຄງການທີ່ໄດ້ຮັບການສະໜັບສະໜູນເງິນກູ້ຢືມດອກເບ້ຍຕໍ່າຈາກ ສ ເກົາຫລີ ມູນຄ່າ 257.605.000 ໂດລາສະຫະລັດ ແລະ ສົມທົບຂອງລັດ ຖະບານລາວ ມູນຄ່າ 9.957.000 ໂດລາສະຫະລັດ ລວມມູນຄ່າທັງໝົດ 67.562.000 ໂດລາສະຫະລັດ.
ຂ່າວ: ປະເທດລາວ