ບໍລິສັດໄຟຟ້າຫົງສາ ຈຳກັດ ໄດ້ສືບຕໍ່ສະໜັບສະໜູນທຶນສົ່ງເສີມການສຶກສາໃນທ້ອງຖິ່ນ ແຂວງໄຊຍະບູລີ ຊຶ່ງປີນີ້ລວມ
ມີເມືອງຫົງສາ, ເມືອງເງິນ ແລະ ເມືອງຊຽງຮ່ອນ ຄິດເປັນມູນຄ່າ 120 ລ້ານກີບ.
ພິທີມອບທຶນການສຶກສາໃຫ້ນັກ ຮຽນສົກ 2014-2015 ໄດ້ຈັດຂຶ້ນຫວ່າງບໍດົນມານີ້ ທີ່ເມືອງຫົງສາລວມ ທັງໝົດ 40 ທຶນ,
ມູນຄ່າ 120 ລ້ານກີບ ໂດຍໃຫ້ກຽດເປັນປະທານຂອງ ທ່ານ ຍັນຍົງ ສີປະເສີດ ຮອງເຈົ້າແຂວງໆ ໄຊຍະບູລີ, ໃຫ້ກຽດມອບ
ທຶນການສຶກ ສາໃນຄັ້ງນີ້ໂດຍ ທ່ານ ດຳລົງ ຖາວອນວິສຸດທິກຸນ ຮອງຜູ້ອຳນວຍການໃຫຍ່ ບໍລິສັດໄຟຟ້າຫົງສາ ຈຳກັດ
ພ້ອມນັ້ນມີຮອງເຈົ້າເມືອງ, ຮອງຫົວໜ້າຫ້ອງການສຶກສາທິການ ແລະ ກີລາເມືອງ, ຄູ-ອາຈານ, ພໍ່ແມ່ນັກຮຽນ ແລະ ນັກ
ຮຽນຜູ້ທີ່ໄດ້ຮັບທຶນຢູ່ໃນເມືອງຫົງສາເຂົ້າຮ່ວມເປັນສັກຂີ ພິຍານຢ່າງພ້ອມພຽງ.
ບໍລິສັດ ໄຟຟ້າຫົງສາ ຈຳກັດ ແມ່ນໄດ້ໃຫ້ການຊ່ວຍເຫຼືອສະໜັບສະໜູນວຽກງານການສຶກສາຢ່າງຕໍ່ ເນື່ອງມາຕັ້ງແຕ່ປີ
2010 ເນັ້ນໃສ່ນັກຮຽນຜູ້ດ້ອຍໂອກາດ, ນັກຮຽນເກ່ງມີຄຸນສົມບັດດີ ແຕ່ຖານະຄອບຄົວທຸກຍາກມາຮອດປະຈຸບັນນີ້ທາງ
ບໍລິສັດໄດ້ສ້າງ ໂຮງຮຽນຢູ່ພາຍໃນເມືອງຫົງສາສຳເລັດ ແລະ ໄດ້ເຂົ້າຮຽນເປັນທີ່ຮຽບຮ້ອຍແລ້ວ ຈຳນວນ 12 ຫຼັງ, ໃນນັ້ນ
ລວມມີໂຮງຮຽນອະນຸບານ 4 ຫຼັງ, ໂຮງຮຽນປະຖົມ 5 ຫຼັງ ແລະ ໂຮງຮຽນມັດທະຍົມສົມບູນ 3 ຫຼັງ ຊຶ່ງການຊ່ວຍເຫຼືອສະ
ໜັບສະໜູນນີ້ສະແດງໃຫ້ເຫັນເຖິງຄວາມມຸ່ງ ໝັ້ນຂອງບໍລິສັດໄຟຟ້າຫົງສາ ຈຳກັດ ເພື່ອປະກອບສ່ວນພັດທະນາການ
ສຶກສາ ໂດຍສະເພາະແມ່ນຢູ່ພາຍໃນເມືອງຫົງສາເວົ້າລວມ, ເວົ້າສະເພາະກໍຄືການພັດ ທະນາໃນຂົງເຂດວຽກງານການ
ສຶກສາ ແລະ ການສ້າງສາພັດທະນາປະເທດຊາດ.
ແຫລ່ງຂ່າວ: ເສດຖະກິດ – ສັງຄົມ