ແມ່ບ້ານໄທສຸດໂຊກດີ! ໄດ້ຮັບມໍລະດົນຈາກເຈົ້ານາຍ 100 ລ້ານບາດ

0
631

ສຳນັກຂ່າວປະເທດໄທລາຍງານໃນວັນທີ 29 ເມສາ 2024 ຜ່ານມາ, ກ່ຍວກັບເຫດການສະເທືອນຂວັນເມື່ອມີນັກທຸລະກິດຊາວຝຣັ່ງລົງມືຍິງຕົນເອງເສຍຊີວິດ ທີ່ບ້ານພັກແຫ່ງໜຶ່ງ ໃນເກາະສະມຸຍ ແຂວງສຸຣາດທານີ ປະເທດໄທ ກ່ອນຕາຍນັກທຸລະກິດໄດ້ເຮັດພິໄນກຳຍົກຊັບສິນທັງໝົດໃຫ້ແມ່ບ້ານຄົນສະນິດ ຫຼັງຮູ້ວ່າປ່ວຍເປັນມະເຣັງ ເບື້ອງຕົ້ນເຈົ້າໜ້າທີ່ຕຳລວດຄາດວ່າຄາຕະກຳຕົນເອງເນື່ອງຈາກຄວາມຄຽດຈາດໂຣກມະເຮັງ.

ຕາມການລາຍງານຂອງຜູ້ສື່ຂ່າວລະບຸວ່າ ຜູ້ເສຍຊີວິດຊື່ ເຄັດເທີລີນ ອາຍຸ 59 ປີ ເປັນນັກທຸລະກິດເຈົ້າຂອງບ້ານວິນລ່າໃຫ້ເຊົ່າຢູ່ທີ່ເກາະສະມຸຍ ເບົື້ອງຕົ້ນເຈົ້າໜ້າທີ່ພົບວ່າ: ກ່ອນຕາຍເຮັດພິໄນກຳຍົກຊັບສິນທັງໝົດ 100 ລ້ານ ໃຫ້ປ້າຕິ໋ມ ແມ່ບ້ານຄົນສະນິດ.

ຂະນະທີ່ເຈົ້າໜ້າທີ່ທຳການສືບສວນ-ສອບສວນ ແລະ ເຈົ້າໜ້າທີ່ພິສູດຫຼັກຖານໄດ້ເຂົ້າກວດສອບໃນທີ່ເກີດເຫດຢ່າງລະອຽດ ແລະ ການສອບສວນຈາກພະຍານບຸກຄົນ ໄດ້ຮູ້ຄວາມຈິງເພີ່ມເຕີມກໍຄື ຜູ້ຕາຍໄດ້ອາໃສຢູ່ພຶ້ນທີ່ເກາະສະມຸຍ ແລະ ພັກຢູ່ບ້ານຫຼັງເກີດເຫດມາດົນນານກວ່າ 10 ປີແລ້ວ ເຊິ່ງໄດ້ອາໃສກັບຜົວຊາວຝຣັ່ງ ບໍ່ມີລູກ, ພາຍຫຼັງຝ່າຍຊາຍໄດ້ໄປຕິດພັນກັບຜູ້ຍິງຄົນອື່ນເຮັດໃຫ້ຜູ້ຕາຍເສຍໃຈຫຼາຍ ປະກອບກັບຜູ້ຕາຍປ່ວຍເປັນໂຣກມະເຮັງທາງທະວານໄລຍະສຸດທ້າຍ ມີອາການເຈັບປວດທໍລະມານ ແລະ ອາການປ່ວຍບໍ່ດີຂຶ້ນ ທັງປັນຫາຊີວິດຄູ່ກັບປັນຫາສຸຂະພາບ ຈຶ່ງເຊື່ອວ່າເປັນສາເຫດທີ່ເຮັດໃຫ້ຜູ້ຕາຍຕັດສິນໃຈລົງມືຄາຕະກຳຕົນເອງ.

ນອກຈາກນີ້ຍັງພົບຂໍ້ມູນເພື່ອຜູ້ຕາຍສົ່ງຂໍ້ຄວາມຫາໝູ່ເພື່ອນ ແລະ ໂອນເງິນເດືອນໃຫ້ກັບລູກຈ້າງທີ່ບ້ານໃຫ້ຄົບທຸກຄົນແລ້ວ ຈຶ່ງເຊື່ອວ່າເປັນກໍລະນີທີ່ຜູ້ຕາຍໃຊ້ວຸດປືນຍິງຕົນເອງເສຍຊີວິດ.