ສຳນັກຂ່າວຕ່າງປະເທດ ລາຍງານໃຫ້ຮູ້ວ່າ: ເມື່ອວັນທີ 2 ພຶດສະພາທີ່ຜ່ານມາ, ເກີດເລື່ອງສຸດໂຊກດີແກ່ຍິງສາວຄົນໜຶ່ງ ໃນລັດອິລິນອຍ, ສະຫະລັດອາເມຣິກາ, ເພາະລາວຖືກຫວຍ Lucky Day Lotto ໄດ້ເງິນລາງວັນຈຳນວນ 1 ລ້ານດອນລ່າ ຫຼື ປະມານ 21 ຕື້ກີບ ຈາກໃບຫວຍທີ່ຄົນແປກໜ້າມອບໃຫ້ , ສຳລັບເງິນລາງວັນທີ່ລາວໄດ້ມາຈະມອບໃຫ້ປູ່ຂອງລາວຈຳນວນໜຶ່ງ, ຈຳນວນໜຶ່ງຈະຊື້ລົດໃໝ່, ເຮືອນຫຼັງໃໝ່ ແລະ ເກັບທ້ອນໄວ້ໃນຍາມສຸກເສີນ.
